ଭୁବନେଶ୍ୱର (ଏଟିଆର ବ୍ୟୁରୋ): ଶକ୍ତିପୀଠମାନଙ୍କରେ ଆଜି ମାଙ୍କର ଦଶମୀ ପୂଜା ହେଉଥିବା ବେଳେ ମଣ୍ଡପ ମାନଙ୍କରେ ଆଜି ମାଙ୍କର ମହାନବମୀ ପୂଜା । ପୂଜା ପାଉଛନ୍ତି ମହାମାୟା । ଏନେଇ ଚଳଚଞ୍ଚଳ ପୁରପଲ୍ଲୀ । ସବୁଠି ଚାଲିଛି ମହାମାୟାଙ୍କ ଆରାଧନା । ଚଣ୍ଡିପାଠ ମନ୍ତ୍ର ଧ୍ୱନୀରେ ପ୍ରକମ୍ପିତ ପୁରା ପରିବେଶ ।
ଚଳିତବର୍ଷ ଧୁମ୍ଧାମ୍ ରେ ପାଳନ କରାଯାଉଛି ଦୁର୍ଗାପୂଜା । ଲୋକେ ଆନନ୍ଦ ଉଲ୍ଲାସର ସହ ଶକ୍ତିପୀଠ ଓ ପୂଜା ମଣ୍ଡପକୁ ଯାଇ ମାଙ୍କୁ ଦର୍ଶନ କରି ଆର୍ଶିବାଦ ନେଉଛନ୍ତି । ନବମୀ ଅବସରରେ ମଣ୍ଡପ ମାନଙ୍କରେ ମହାନବମୀ ପୂଜା ଆରମ୍ଭ ହୋଇଛି । ଏହାସହିତ ଆଜି ଅପରାଜିତା ପୂଜା, ଚଣ୍ଡିପାଠ, କୁମାରୀ ପୂଜା ଆଦି କରାଯିବ । ଅପରାହ୍ନରେ ଦିଆଯିବ ଚଣ୍ଡୀ ଆହୁତି ।
