ପୁରୀ (ଏଟିଆର ବ୍ୟୁରୋ): ସ୍ନାନବେଦୀରେ ୧୦୮ ଗରା ସୁବାସିତ ଜଳରେ ଅତ୍ୟଧିକ ସ୍ନାନ କରିବା ପରେ ଜ୍ୱରରେ ପୀଡିତ ଶ୍ରୀଜିଉ । ଚାଲିଛି ଗୁପ୍ତ ଉପଚାର । ଦଇତାପତି ଓ ପତି ମହାପାତ୍ର ସେବାୟତମାନେ ଲାଗି ପଡିଛନ୍ତି ଦାରୁ ଦିଅଁଙ୍କ ଗୁପ୍ତ ସେବାରେ । ଆଜି ଚତୁର୍ଦ୍ଧବିଗ୍ରହଙ୍କ ଶ୍ରୀଅଙ୍ଗରେ ଲାଗି ହେବ ଫୁଲୁରି ତେଲ । ଗୁପ୍ତ ନୀତି ମଧ୍ୟରେ ଫୁଲୁରି ତେଲ ଲାଗି ହେଉଛି ଏକ ଗୁରୁତ୍ୱପୂର୍ଣ୍ଣ ଅଂଶ ।
ଚତୁର୍ଦ୍ଧା ବିଗ୍ରହଙ୍କ ପାଇଁ ବଡ ଓଡିଆ ମଠ ପକ୍ଷରୁ ଫୁଲୁରି ତେଲ ଯୋଗାଇ ଦିଆଯିବ । ବର୍ଷକତଳୁ ଏକ ପାତ୍ରରେ ଶୁଦ୍ଧ ରାଶି ତେଲରେ ଚେରମୂଳି ଓ ସୁବାସିତ ଫୁଲ , କର୍ପୂର,ପକାଇ ମାଟି ତଳେ ପୋତା ଯାଇଥାଏ । ଆଜି ଏହି ଫୁଲୁରି ତେଲକୁ ଚତୁର୍ଦ୍ଧା ବିଗ୍ରହଙ୍କ ଶ୍ରୀଅଙ୍ଗରେ ମର୍ଦନ କରାଯିବ ।
