ପୁରୀ (ଏଟିଆର ବ୍ୟୁରୋ): ଆଜି ମହାପ୍ରଭୁଙ୍କ ନବଯୌବନ ଦର୍ଶନ । ଦୀର୍ଘ ୧୫ ଦିନ କାଳ ଅଣସର ଘରେ ରହିବା ଯୋଗୁଁ ଭକ୍ତଙ୍କୁ ଦର୍ଶନ ଦେଇନଥିଲେ ମହାପ୍ରଭୁ । ଜ୍ୱରରୁ ସୁସ୍ଥ ହୋଇ ଉଠିଲା ପରେ ଆଜି ଭକ୍ତଙ୍କୁ ଦର୍ଶନ ଦେଉଛନ୍ତି ଶ୍ରୀଜିଉ ।
ସକାଳ ୮ଟାରୁ ଦର୍ଶନ ଆରମ୍ଭ ହୋଇଯାଇଛି । ଶ୍ରୀଜୀଉଙ୍କ ଦର୍ଶନ ଲାଗି ଶ୍ରୀମନ୍ଦିରରେ ଭକ୍ତଙ୍କ ଭିଡ ଜମିଛି । ସେଥିପାଇଁ ମନ୍ଦିର ଏବଂ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଅନ୍ୟପଟେ ଆସନ୍ତାକାଲି ପବିତ୍ର ରଥଯାତ୍ରା । ଖୁବ୍ ଜୋର ସୋରରେ ଶେଷ ପର୍ଯ୍ୟାୟ ପ୍ରସ୍ତୁତି ଚାଲିଛି ।
