କେନ୍ଦୁଝର (ଏଟିଆର ବ୍ୟୁରୋ): ଆରମ୍ଭ ହୋଇଯାଇଛି ନବରାତ୍ରୀ । ଧରାବତରଣ କରିଛନ୍ତି ଦୁର୍ଗତିନାଶୀନ ମା ଦୁର୍ଗା । ଆଜି ନବରାତ୍ରୀର ତୃତୀୟ ଦିନ । ଶକ୍ତିପୀଠ ଗୁଡିକରେ ଷୋଡଶ ପୂଜାବିଧି ସମେତ ମାଙ୍କର ନବରାତ୍ରୀ ପୂଜା ଚାଲିଛି । ସେହିପରି ଘଟଗାଁ ତାରିଣୀ ପୀଠରେ ମଧ୍ୟ ଷୋଡଶ ଉପଚାର ପୂଜା ବିଧି ସହ ମାଙ୍କର ନବରାତ୍ରୀ ପୂଜା ଚାଲିଛି ।
ନଅ ଦିନ ଧରି ପାଳିତ ହେଉଥିବା ଏହି ନବରାତ୍ରୀର ତୃତୀୟ ଦିନରେ ମାଙ୍କ ସ୍ୱରୂପ ଚନ୍ଦ୍ରଘଣ୍ଟାଙ୍କୁ ପୂଜା କରାଯାଇଥାଏ । ସେହିପରୀ ତାରିଣୀ ପୀଠରେ ମଧ୍ୟ ମା ଚନ୍ଦ୍ରଘଣ୍ଟାଙ୍କ ରୂପେ ଭକ୍ତଙ୍କୁ ଦର୍ଶନ ଦେଉଛନ୍ତି ମା । କୋଭିଡ ନିୟମ ପାଳନ କରି ଭକ୍ତମାନେ ମାଙ୍କର ଚନ୍ଦ୍ରଘଣ୍ଟା ରୂପକୁ ଦର୍ଶନ କରୁଛନ୍ତି ।
