ପୁରୀ (ଏଟିଆର ବ୍ୟୁରୋ): ବିଶ୍ୱପ୍ରସିଦ୍ଧ ଘୋଷଯାତ୍ରାର ଆଜି ଶେଷ ଦିନ ଅର୍ଥାତ ନୀଳାଦ୍ରି ବିଜେ ନୀତି । ନୀଳକନ୍ଦରକୁ ଫେରିବେ ଚତୁର୍ଦ୍ଧାମୂରତୀ । ଗୋଟି ପହଣ୍ଡି ହୋଇ ରତ୍ନସିଂହାସନକୁ ବିଜେ କରିବେ ଚତୁର୍ଦ୍ଧାମୂରତୀ । ଶ୍ରୀମନ୍ଦିରରେ ମା ଲକ୍ଷ୍ମୀ ସାଆନ୍ତାଣୀକୁ ଏକା ଛାଡି ଭାଇ ଭଉଣୀକୁ ଘେନି ଯାତ୍ରାରେ ଯାଇଥିବା ମହାପ୍ରଭୁ ଶ୍ରୀ ଜଗନ୍ନାଥ ଲକ୍ଷ୍ମୀ ସାଆନ୍ତାଣୀଙ୍କୁ ରସଗୋଲା ଦେଇ ମାନ ଭଞ୍ଜନ କରିବେ ।
ଗତକାଲି ତିନି ରଥ ଉପରେ ଶ୍ରୀଜିଉଙ୍କ ନିକଟରେ ଅଧରପଣା ନୀତି ଅନୁଷ୍ଠିତ ହୋଇଥିଲା । ପଣା ପ୍ରସ୍ତୁତି କରାଯାଇ ଭୋଗ ଲାଗିବା ପରେ ଅଶିରୀରିଙ୍କୁ ଅର୍ପଣ ନିମନ୍ତେ ରଥ ଉପରେ ପଣା ହାଣ୍ଡି ଭଙ୍ଗା ଯାଇଥିଲା ।
