ପୁରୀ (ଏଟିଆର ବ୍ୟୁରୋ): ସ୍ନାନବେଦୀରେ ମହାସ୍ନାନ ସାରି ଅଣସର ପିଣ୍ଡିକୁ ବିଜେ କରିଛନ୍ତି ଚତୁର୍ଦ୍ଧାମୂରତି । ଅସୁସ୍ଥ ଥିବା ହେତୁ ତାଙ୍କୁ ଅନସର ବିଜେ କରାଯାଇଛି । ଏବେ ଶ୍ରୀମନ୍ଦିରରେ ଚତୁର୍ଦ୍ଧାମୁରତିଙ୍କ ବଦଳରେ ପଟିଦିଅଁ ପୂଜା ପାଉଛନ୍ତି ।
ଦୀର୍ଘ ୧୪ ଦିନ ଧରି ଅଣସର ଘରେ ଚତୁର୍ଦ୍ଧାମୂରତିଙ୍କ ଉପଚାର ଚାଲିବ । ଏହି ସମୟରେ ଶ୍ରୀମନ୍ଦିରରେ ପଟିଦିଅଁ ପୂଜା ପାଇବେ । ଏଥିରେ ଅନନ୍ତନାରାୟଣ ରୂପେ ଶ୍ରୀ ଜଗନ୍ନାଥ, ଅନନ୍ତ ବାସୁଦେବ ରୂପେ ଶ୍ରୀବଳଭଦ୍ର ଓ ମା ଭୁବନେଶ୍ୱରୀ ରୂପେ ଦେବୀ ସୁଭଦ୍ରା ପୂଜା ପାଇବେ । ଏହାସହିତ ମଦନମୋହନ , ରାମକୃଷ୍ଣ, ଦୋଳାଗୋବିନ୍ଦ, ମହାଲକ୍ଷ୍ମୀ, ସରସ୍ୱତୀ ଓ ନୃସିଂହ ଭଗବାନଙ୍କ ପଟିଦିଅଁ ମଧ୍ୟ ପୂଜା କରାଯିବ ।
