ଭୁବନେଶ୍ୱର (ଏଟିଆର ବ୍ୟୁରୋ): ଆଜି ହେଉଛି ପବିତ୍ର ରାମ ନବମୀ । କୋଭିଟ କଟକଣା ଭିତରେ ପାଳିତ ହେଉଛି ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀରାମଙ୍କ ଜନ୍ମ ଉତ୍ସବ । ବିନା ଭକ୍ତରେ ମନ୍ଦିରରେ ରାମ ନବମୀ ପାଳିତ ହେଉଛି । କେବଳ ପୂଜକଙ୍କ ଦ୍ୱାରା ମନ୍ଦିରମାନଙ୍କରେ ନୀତିକାନ୍ତି କରାଯାଉଛି ।
ଅନ୍ୟପଟେ ଆଜିଠୁ ଟ୍ୱିନ ସିଟିରେ ସମସ୍ତ ଧର୍ମାନୁଷ୍ଠାନ ବନ୍ଦ କରିଦିଆଯାଇଛି । ସେହିପରି ଆଜିର ଏହି ରାମ ନବମୀ ଅବସରରେ ଖାଁ ଖାଁ ରାମ ମନ୍ଦିର । କୌଣସି ଶ୍ରଦ୍ଧାଳୁଙ୍କୁ ମନ୍ଦିର ଯିବା ପାଇଁ ଅନୁମତି ନଥିବାରୁ ସମସ୍ତେ ଘରେ ପ୍ରଭୁ ଶ୍ରୀରାମଙ୍କର ପୂଜାର୍ଚ୍ଚନା କରୁଛନ୍ତି । ପ୍ରତ୍ୟେକ ବର୍ଷ ରାମ ନବମୀରେ ରାମ ମନ୍ଦିରରେ ପ୍ରବଳ ଭିଡ ହୋଇଥାଏ । କିନ୍ତୁ ଚଳିତ ବର୍ଷ କରୋନା ସଂକ୍ରମଣକୁ ଦୃଷ୍ଟିରେ ରଖି ବିନା ଭକ୍ତରେ ଚାଲିଛି ନୀତିକାନ୍ତି ।
