ପୁରୀ (ଏଟିଆର ବ୍ୟୁରୋ); ରଥରେ ବିଜେ କରିଛନ୍ତି ଚତୁର୍ଦ୍ଧା ମୁରତି । ମହାପ୍ରଭୁଙ୍କ ଦର୍ଶନ କରିଛନ୍ତି ଜଗତଗୁରୁ ଶଙ୍କରାଚାର୍ଯ୍ୟ । ତିନି ରଥ ବୁଲି ଠାକୁରଙ୍କ ଦର୍ଶନ ସାରିଛନ୍ତି । ସେବାୟତଙ୍କ ମେଳରେ ରଥରୁ ରଥ ବୁଲିଥିଲେ ଜଗତଗୁରୁ । ସମସ୍ତ ଭକ୍ତଙ୍କ ମନସ୍କାମନା ପୂରଣ ହେଉ ଏବଂ ନିରୋଗ ରୁହନ୍ତୁ ବୋଲି ସବୁବେଳେ ପ୍ରାର୍ଥନା କରିଥାନ୍ତି ଶଙ୍କରାଚାର୍ଯ୍ୟ । ଆଜି ଭକ୍ତଙ୍କ ଗହଣରେ ରଥକୁ ପ୍ରବେଶ କରିଛନ୍ତି ।
ସେବାୟତମାନେ ତାଙ୍କ ହାତ ଧରି ରଥକୁ ଚଢ଼ାଉଛନ୍ତି । ସେ ଗୋଟିଏ ପରେ ଗୋଟିଏ ରଥରେ ପ୍ରବେଶ କରି ଦର୍ଶନ କରୁଛନ୍ତି । ତିନିରଥ ପରିକ୍ରମା କରିସାରିଛନ୍ତି ଶଙ୍କରାଚାର୍ଯ୍ୟ । ଭକ୍ତଙ୍କୁ ଦେଖିବା ପରେ ମଧ୍ୟ ସେ ଭାବ ବିହ୍ୱଳ ହୋଇ ପଡିଥିଲେ । ଶଙ୍କରାଚାର୍ଯ୍ୟଙ୍କ ପରେ ଗଜପତି ମହାରାଜା ଆସିବେ । ସବୁ କିଛି ନୀତି ଠିକସେ ଚାଲିଛି । ତେବେ ନୀତି ନିର୍ଘଣ୍ଟ ଅନୁଯାୟୀ ଆଗୁଆ ସବୁକିଛି ଚାଲିଛି । ରଥ ଟାଣିବା ପାଇଁ ଭକ୍ତମାନେ ବ୍ୟଗ୍ର ହୋଇ ରହିଛନ୍ତି ।
