ଭୁବନେଶ୍ୱର (ଏଟିଆର ବ୍ୟୁରୋ); ଜ୍ୟୋତିଷ ଶାସ୍ତ୍ର ଅନୁସାରେ କିଛି ରାଶି ଉପରେ ଶନିଦେବଙ୍କ ବିଶେଷ କୃପା ରହିଥାଏ । ଏହି ରାଶିର ବ୍ୟକ୍ତିଙ୍କର କୌଣସି ବି କାମ ଅଟକେ ନାହିଁ । ତେବେ ଆସନ୍ତୁ ଜାଣିବା ସେହି ରାଶି ବିଷୟରେ
କର୍ମଫଳଦାତା ହେଉଛନ୍ତି ଶନିଦେବ । ବ୍ୟକ୍ତିଙ୍କୁ ତାଙ୍କ କର୍ମ ଅନୁସାରେ ଫଳ ଦେଇଥାନ୍ତି । ଜାତକରେ ଶନିଙ୍କ ସ୍ଥିତି ଖରାପ ଥିଲେ ଅନେକ ସମସ୍ୟାର ସାମ୍ନା କରିବାକୁ ପଡେ । କିନ୍ତୁ ଯଦି ଜାତକରେ ଶନିଙ୍କ ସ୍ଥିତି ଭଲ ଥିବ ତେବେ ବ୍ୟକ୍ତିଙ୍କୁ ସମସ୍ତ ସୁଖ-ସୁବିଧା ପ୍ରାପ୍ତି ହୋଇଥାଏ ।
ସେହିପରି କିଛି ରାଶି ଉପରେ ଶନିଦେବଙ୍କ କୃପା ରହିଥାଏ । ଶନିଙ୍କ କୃପାରୁ ସେମାନଙ୍କର ସମସ୍ତ କାମ ସହଜ-ସୁବିଧାରେ ହୋଇଥାଏ ।
ତୁଳାରାଶି:- ତୁଳା ରାଶି ବ୍ୟକ୍ତିଙ୍କ ଉପରେ ଶନିଙ୍କ ବିଶେଷ କୃପା ରହିଥାଏ । ଏହି ରାଶିରେ ଶନିଦେବ ଉଚ୍ଚରେ ରହିଥାନ୍ତି । ଏଥିପାଇଁ ଏହି ରାଶିର ବ୍ୟକ୍ତିଙ୍କୁ ଶନି ଶୁଭ ଫଳ ପ୍ରଦାନ କରିଥାନ୍ତି । ତୁଳା ରାଶିର ବ୍ୟକ୍ତି ପରିଶ୍ରମୀ, ଦୟାଳୁ, ସଚ୍ଚୋଟ , ପ୍ରତିଭାଶାଳୀ ହୋଇଥାନ୍ତି । ତୁଳା ରାଶିର ଲୋକ ପ୍ରଭାବଶାଳୀ ବ୍ୟକ୍ତିତ୍ୱର ସ୍ୱାମୀ ହୋଇଥାନ୍ତି । ଏହି ରାଶି ଉପରେ ଶନି ସର୍ବଦା ପ୍ରସନ୍ନ ରହିଥାନ୍ତି ।
ମକର ରାଶି;- ଏହି ରାଶିର ସ୍ୱାମୀ ହେଉଛନ୍ତି ଶନି । ତାଙ୍କର ସବୁଠୁ ପ୍ରିୟ ରାଶି ହେଉଛି ମକର । ଏହି ରାଶିର ବ୍ୟକ୍ତିଙ୍କ ଉପରେ ସର୍ବଦା ଶନିଙ୍କ କୃପା ରହିଥାଏ । ଏହି ରାଶିର ବ୍ୟକ୍ତି ପରିଶ୍ରମୀ, ଉତ୍ସାହୀ ହୋଇଥାନ୍ତି । ଏହି ରାଶିର ବ୍ୟକ୍ତି ଯେଉଁ କାମ କରିବାକୁ ଠାଣି ଥାନ୍ତି ତାହା ହିଁ କରିଥାନ୍ତି । ଏମାନେ ସହଜରେ ହାର ମାନନ୍ତି ନାହିଁ । ଏହି ରାଶିର ବ୍ୟକ୍ତିଙ୍କ ଭାଗ୍ୟ ତେଜ ଥାଏ ଏବଂ ଶନିଦେବଙ୍କ ଖରାପ ପ୍ରଭାବ ଶୀଘ୍ର ଏହି ରାଶିରେ ପଡେ ନାହିଁ ।
କୁମ୍ଭ ରାଶି:- ଏହି ରାଶିର ବ୍ୟକ୍ତିଙ୍କ ଉପରେ ମଧ୍ୟ ଶନିଦେବଙ୍କ କୃପା ରହିଥାଏ । ଏହି ରାଶିର ବ୍ୟକ୍ତି ସ୍ୱଭାବରେ ଦୟାଳୁ, ସଚ୍ଚୋଟ, ଧର୍ଯ୍ୟବାନ ହୋଇଥାନ୍ତି । ଏମାନଙ୍କ ଜୀବନରେ କଦାପି ଆର୍ଥିକ ସମସ୍ୟା ଉପୁଜେ ନାହିଁ । ଶନିଙ୍କ ଖରାପ ପ୍ରଭାବ ଏହି ରାଶିରେ ସହଜରେ ପଡେ ନାହିଁ । ଶନିଙ୍କ କୃପାରୁ ଏହି ରାଶିର ବ୍ୟକ୍ତି ସର୍ବଦା ସଫଳତା ହାସଲ କରନ୍ତି ।
