ଭୁବନେଶ୍ୱର (ଏଟିଆର ବ୍ୟୁରୋ) ; ନକ୍ସଲଙ୍କ ଗୁଳିରେ ସହୀଦ ହୋଇଥିବା ଦୂରଦର୍ଶନରେ କାର୍ଯ୍ୟରତ ଓଡିଆ ଫଟୋ ସାମ୍ବାଦିକ ଅଚ୍ୟୁତାନନ୍ଦଙ୍କ ବିୟୋଗରେ ସମଗ୍ର ଦେଶବାସୀ ଶୋକ ପାଳନ କରିଛନ୍ତି । ଉକ୍ରଳ ଦୀପ ଉଜ୍ୱଳ ଅଚ୍ୟୁତ ଲିଭିନାହିଁ ତୁମ ଚିତା ହୃଦୟରେ ଆମର ରହିଗଲେ ତୁମେ ହେଲ ଯେ ଜଗତ ଜିତା । ଅଚ୍ୟୁତଙ୍କ ଉଦ୍ଦେଶ୍ୟରେ ଏଭଳି ସ୍ମୃତ୍ତି ଚାରଣ କରି ଅମର ଆତ୍ମାର ସଦଗତି ପାଇଁ ଗତ କାଲି ସନ୍ଧ୍ୟାରେ ସ୍ଥାନୀୟ ଇନଷ୍ଟୁଟ ଅଫ ମିଡିଆ ଷ୍ଟଡିଜ କଲେଜର ଛାତ୍ରଛାତ୍ରୀଙ୍କ ପକ୍ଷରୁ ମାଷ୍ଟର କ୍ୟାଣ୍ଟିନ ଛକରେଏକ ମହମବତୀ ପଦଯାତ୍ରାର ଆୟୋଜନ କରାଯାଇଥିଲା । ଏହି ଶୋଭାଯାତ୍ରାରେ ବିଭିନ୍ନ କଲେଜରଛାତ୍ର ଛାତ୍ରୀ ଏବଂ ବୁଦ୍ଦିଯିବୀଙ୍କ ସହ ସାଧାରଣ ଜନତା ମଧ୍ୟ ଯୋଗ ଦେଇଥିବା ଦେଖିବାକୁ ମିଳିଥିଲା । ଏହି ପଦଯାତ୍ରାରେ ୧୦୦ରୁ ଅଧିକ ଲୋକ ଯୋଗ ଦେଇ ଏହି ଶୋଭା ଯାତ୍ରାକୁ ସାଫଲ୍ୟ ମଣ୍ଡିତ କରିଛନ୍ତି ।ତେବେ ଛାତ୍ର ଛାତ୍ରୀଙ୍କ ଏଭଳି ଏକ ପଦଯାତ୍ରାକୁ ବିଭିନ୍ନ ବୁଦ୍ଦିଯିବୀ ମହଲରେ ପ୍ରଶଂସା କରାଯାଇଛି ।
ରିପୋର୍ଟ : ଗୁଣନିଧି ବେହେରା
