ନୂଆଦିଲ୍ଲୀ (ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସନ୍ଦେଶକୁ ଅପେକ୍ଷାର ସହ ଅନେଇ ବସିଥିଲେ ସମଗ୍ର ଦେଶବାସୀ । ପ୍ରକୃତରେ ମୋଦି କି ସନ୍ଦେଶ ଦେବେ ସେନେଇ ଚାରିଆଡେ ଚର୍ଚ୍ଚା ଜୋର ଧରିଥିଲା । ଏବେ ସବୁ ଚର୍ଚ୍ଚାର ଅନ୍ତ ଘଟିଛି ।
ଆଜ୍ଞା ହଁ ଭାରତ ଅନ୍ତରୀକ୍ଷ ମହାଶକ୍ତି ହୋଇଗଲା ବୋଲି ଆଜି ପ୍ରଧାନମନ୍ତ୍ରୀ ମୋଦି କହିଛନ୍ତି । ଅନ୍ତରୀକ୍ଷରେ ବି ଭାରତ ଶତୃକୁ ଜବାବ ଦେବାର ଶକ୍ତି ହାସଲ କରି ପାରିଛି । ଏଭଳି କରି ଭାରତ ଏବେ ବିଶ୍ୱର ଚତୁର୍ଥ ଦେଶ ପାଲଟିଛି ।
ପ୍ରଧାନମନ୍ତ୍ରୀ କହିଛନ୍ତି କି , ‘ମିଶନ ଶକ୍ତି ଏକ ବହୁତ ବଡ କଠିନ ଅପରେଶନ୍ ଥିଲା । ଏଥିରେ ଲାଇଭ୍ ସାଟେଲାଇଟକୁ ମାରି ଖସାଇବାରେ ସଫଳ ହୋଇଛି ଭାରତ । ମାତ୍ର ଏହି ଅପରେଶନ୍ କାହା ବିରୋଧରେ ନଥିଲା । ପୃଥିବୀଠାରୁ ୩୦୦ କିଲୋମିଟର ଦୁରରେ ଥିବା ଲୋ ଆର୍ଥ ଆରବିଟରେ ସ୍ଥାପିତ ଏକ କୃତ୍ରିମ ଉପଗ୍ରହକୁ ଏ-ସ୍ୟାଟ ମିସାଇଲ ଜରିଆରେ ଧ୍ୱଂସ କରାଯାଇଛି । ମାତ୍ର ୩ ମିନିଟ୍ ରେ ଏହି ଅପରେଶନ୍ କୁ ସଫଳତା ପୂର୍ବକ ପୂରା କରାଯାଇଥିଲା । ଏହା ସମସ୍ତ ଭାରତ ବାସୀଙ୍କ ପାଇଁ ଗର୍ବ ଏବଂ ଗୌରବର ବିଷୟ ।’
