କଟକ (ଏଟିଆର ବ୍ୟୁରୋ):ଦିନକୁ ଦିନ ସଡକ ଦୁର୍ଘଟଣା ବଢି ଚାଲିଛି । ଆଜି ଭୋରୁ ବାସୁଦେବପୁର କୁଆମରା ଛକ ନିକଟରେ ଏକ ଯାତ୍ରୀବାହି ବସ୍ ସହ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଘଟଣାରେ ବସ୍ ରେ ଥିବା ୨୭ ଜଣ ଯାତ୍ରୀ ଆହତ ହୋଇଥିବା ବେଳେ ୪ ଜଣ ଗୁରୁତର ହୋଇପଡିଛନ୍ତି । ଗୁରୁତର ଥିବା ଯାତ୍ରୀଙ୍କୁ କଟକ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି ।
ଜୁଗୁନ୍ ନାମକ ଯାତ୍ରୀବାହି ବସ୍ ଟି ଧାମରାରୁ କଟକ ଆସୁଥିବା ବେଳେ ଏହି ଦୁର୍ଘଟଣା ଘଟିଛି । ଶୀତ ଦିନରେ ଘନ କୁହୁଡି ଥିବା ଯୋଗୁଁ ବିପରୀତ ଦିଗରୁ କୌଣସି ଗାଡି ଆସୁଥିବାର ଜଣାପଡିନଥିଲା । ଯେଉଁଥିପାଇଁ ବସ୍ ଏବଂ ମାଲବୋଝେଇ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଏଥିରେ ବସ୍ ଟିର ସମୁଖ ଭାଗ ଚୁରମାର୍ ହୋଇଥିବା ବେଳେ ଟ୍ରକ୍ ଟି ଓଲଟି ପଡିଥିଲା ।
