ନୂଆଦିଲ୍ଲୀ (ଏଟିଆର ବ୍ୟୁରୋ); ଆଗମୀ କ୍ରିକେଟ ମହାକୁମ୍ଭ ବିଶ୍ୱକପ ପାଇଁ ଭାରତୀୟ ଦଳରେ କେଉଁ ଖେଳାଳି ସ୍ଥାନ ପାଇବେ ତାକୁ ନେଇ ସମସ୍ତଙ୍କ ମଧ୍ୟରେ ଚର୍ଚ୍ଚା ହେଉଛି । ପୂର୍ବତନ ଖେଳାଳିମାନେ ନିଜ ନିଜର ମନ ପସନ୍ଦର ୧୫ ଜଣିଆ ଟିମ ଘୋଷଣା କରିଛନ୍ତି । ତେବେ ଏଥିରୁ ବାଦ ପଡି ନାହାଁନ୍ତି ଭାରତୀୟ ଦଳର ପ୍ରତିଭାବାନ ସ୍ପିନର ହରଭଜନ ସିଂହ । ତେବେ ଭଜିଙ୍କ ୧୫ ଜଣିଆ ଟିମରେ ଉଭୟ ଅଭିଜ୍ଞ ଏବଂ ଯୁବ ଖେଳାଳି ସ୍ଥାନ ପାଇଛନ୍ତି । ଏବେ ଭାରତୀୟ ଦଳରେ ନିୟମିତ ଖେଳୁଥିବା ଖେଳାଳିଙ୍କ ନାମ ତାଙ୍କ ସାମ୍ଭବ୍ୟ ଦଳରେ ରହିଛି ।
ଭଜିଙ୍କ ୧୫ ଜଣିଆ ଟିମ- ରୋହିତ ଶର୍ମା,ଶିଖର ଧାୱନ,ବିରାଟ କୋହଲି,ଅମ୍ବାତି ରାୟୁଡୁ,ଧୋନୀ,କେଦାର ଯାଦବ,ହାର୍ଦ୍ଦିକ ପାଣ୍ଡ୍ୟା,ଚହଲ,କୁଳଦୀପ ଯାଦବ,ଭୁବନେଶ୍ୱର କୁମାର,ମହମଦ ସାମି,ଦୀନେଶ କାର୍ତ୍ତିକ,ଉମେଶ ଯାଦବ ଏବଂ ବିଜୟ ଶଙ୍କର । ସମ୍ଭବତଃ ଜାଡେଜାଙ୍କୁ ମଧ୍ୟ ଦଳରେ ସାମିଲ କରିଛନ୍ତି ଭଜି । ଭଜିଙ୍କ ଏହି ଟିମକୁ ମଧ୍ୟ ବହୁ କ୍ରିକେଟ ପ୍ରେମୀ ପ୍ରଂଶସା କରିଛନ୍ତି । ଭଜି କହିଛନ୍ତି ଦଳରେ ବିଜୟ ଶଙ୍କର ଏବଂ ଜାଡେଜାଙ୍କ ନେଲେ ଦଳକୁ ସଫଳତା ମିଳିବ । ବିଜୟ ଶଙ୍କର ଭଲ ଫର୍ମରେ ଥିବା ବେଳେ ଜାଡେଜା ଗରମ ସମୟରେ ଭଲ ଖେଳ ପ୍ରଦର୍ଶନ କରିଥାନ୍ତି । ସେପଟେ ସେ ଏକା ଧାରରେ ବୋଲିଂ ବ୍ୟାଟିଂ ଏବଂ ଫିଲ୍ଡି ମଧ୍ୟ ଭଲ କରନ୍ତି ଏଣୁ ତାଙ୍କୁ ଦଳରେ ନେଲେ ଭଲ ହେବ ।
ଭାରତୀୟ ଦଳରେ ଜଣେ ପ୍ରତିଭାବାନ ଖେଳାଳି ଭାବରେ ଭଜି ବେଶ ପରିଚିତ । ସେ ଜଣେ ସ୍ପିନର ହୋଇଥିବା ବେଳେ ବ୍ୟାଟିଂରେ ମଧ୍ୟ ଚକମା ଦେଖାଇଥାନ୍ତି । ସେ ମୁଖ୍ୟତଃ ଅଷ୍ଟ୍ରେଲିଆ ବିପକ୍ଷରେ ଭଲ ଖେଳିଥାନ୍ତି । ତେବେ ଦୀର୍ଘଦିନ ହେବ ସେ ଆନ୍ତର୍ଜାତୀୟ ଦଳରୁ ବାଦ ପଡିଛନ୍ତି । ଦଳରେ ଯୁବ ସ୍ପିନରଙ୍କ ପ୍ରବେଶ ପରେ ସେ ଆଉ ଦଳକୁ ଫେରି ନାହାଁନ୍ତି । ଭାରତୀୟ ଦଳରେ ଅଶ୍ୱିନୀ ସାମିଲ ହେବା ପରଠାରୁ ପ୍ରାୟତଃ ଭଜିଙ୍କୁ ଦଳରେ ଦେଖିବାକୁ ମିଳିନାହିଁ । ସେପଟେ ଏବଂ ଚହଲ ଏବଂ କୁଳଦୀପଙ୍କ ଚମକ୍ରାର ବୋଲିଂ ପରେ ଭଜି ଦଳକୁ ଫେରିବା ଏକ ପ୍ରକାର ସ୍ୱପ୍ନ ହୋଇ ଯାଇଛି ।
