ନୂଆଦିଲ୍ଲୀ (ଏଟିଆର ବ୍ୟୁରୋ): ଆଥଲେଟିକ୍ ଷ୍ଟାର ହିମା ଦାସ ୧୯ ଦିନ ଭିତରେ ୫ଟି ସ୍ୱର୍ଣ୍ଣ ପଦକ ଜିତି ଦେଶ ପାଇଁ ଆହୁରୀ ଗୌରବ ବଢାଇ ଦେଇଛନ୍ତି । ଖୁବ୍ କମ ବୟସରେ ହିମା ବହୁତ ଭଲ ପଦର୍ଶନ କରୁଛନ୍ତି । ଯେଉଁଥି ପାଇଁ ସେ ଭାରତର ଗୋଲ୍ଡେନ ଗର୍ଲ ଭାବେ ପରିଚିତ ହୋଇଛନ୍ତି । ହିମା ୫ମ ସ୍ୱର୍ଣ୍ଣ ପଦକ ହାସଲ କରିବା ପରେ ପ୍ରଧାନ ମୋଦି ତାଙ୍କ ଶୁଭେଚ୍ଛା ଜଣାଇଛନ୍ତି । ପ୍ରଧାନମନ୍ତ୍ରୀ ଟ୍ୱିଟ୍ କରି ଲେଖିଛନ୍ତି କି ହିମା ଦାସଙ୍କ ପାଇଁ ଭାରତ ଗର୍ବିତ । ଗତ କିଛି ଦିନ ମଧ୍ୟରେ ହିମା ବହୁତ ଭଲ ପ୍ରଦର୍ଶନ କରି ଉପଲବ୍ଧି ହାସଲ କରିପାରିଛନ୍ତି । ସେ ଭିନ୍ନ ଭିନ୍ନ ଟୁର୍ଣ୍ଣାମେଣ୍ଟରେ ୫ଟି ପଦକ ଜିତିଥିବାରୁ ସମସ୍ତେ ବହୁତ ଖୁସି । ତାଙ୍କ ଭବିଷ୍ୟତର ଏହି ପ୍ରୟାସ ପାଇଁ ଶୁଭକାମନା ।
India is very proud of @HimaDas8’s phenomenal achievements over the last few days. Everyone is absolutely delighted that she has brought home five medals in various tournaments. Congratulations to her and best wishes for her future endeavours.
— Narendra Modi (@narendramodi) July 21, 2019
ହିମା ଦାସ ଶନିବାର ଚେକ୍ ରିପବ୍ଲିକରେ ୪୦୦ ମିଟର ଦୌଡକୁ ୫୨.୦୯ ସେକେଣ୍ଡରେ ପୂରା କରିଛନ୍ତି ଏବଂ ଭାରତ ନାଁ ରେ ଆଉ ଏକ ସ୍ୱର୍ଣ୍ଣ ପଦକ ହାସଲ କରିଛନ୍ତି । ରିପୋର୍ଟ ମୁତାବକ, ପ୍ରଥମ ସ୍ୱର୍ଣ୍ଣ ପଦକ ହିମା ଜୁଲାଇ ୨ ରେ ଜିତିଥିଲେ । ସେହିପରି ଜୁଲାଇ ୭ରେ ଦ୍ୱିତୀୟ ସ୍ୱର୍ଣ୍ଣପଦକ, ଜୁଲାଇ ୧୩ ରେ ତୃତୀୟ ସ୍ୱର୍ଣ୍ଣ ପଦକ, ଜୁଲାଇ ୧୭ ରେ ଚତୁର୍ଥ ସ୍ୱର୍ଣ୍ଣ ପଦକ ହାସଲ କରିଥିଲେ ।
