ନୂଆଦିଲ୍ଲୀ (ଏଟିଆର ବ୍ୟୁରୋ): ୱାନଡେ ସିରିଜ୍ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି ଭାରତ ଓ ଅଷ୍ଟ୍ରେଲିଆ ଟିମ୍ । ମାର୍ଚ୍ଚ ୧୭ରୁ ଦୁଇ ଦଳ ମଧ୍ୟରେ ଆରମ୍ଭ ହେବାକୁ ଯାଉଛି ତିନି ମ୍ୟାଚ୍ ବିଶିଷ୍ଟ ସିରିଜ୍ । ପ୍ରଥମ ମୁକାବିଲାରେ ଦୁଇ ଦଳରେ କ୍ୟାପ୍ଟେନକୁ ନେଇ ସବୁଠୁ ବଡ ପରିବର୍ତ୍ତନ ହୋଇଛି । ପ୍ରଥମ ମୁକାବିଲାରେ ଭାରତୀୟ ଟିମରେ ରୋହିତ ଶର୍ମାଙ୍କ ଅନୁପସ୍ଥିତିରେ ହାର୍ଦ୍ଦିକ ପାଣ୍ଡ୍ୟା ଅଧିନାୟକ ଦାୟିତ୍ୱ ତୁଲାଇବେ ସେହିପରି ଅଷ୍ଟ୍ରେଲିଆ ଟିମ୍ ରେ ପ୍ୟାଟ କମିଂସଙ୍କ ବଦଳରେ ଷ୍ଟିଭେନ୍ ସ୍ମିଥ ମଙ୍ଗ ସମ୍ଭାଳିବେ ।
ମାର୍ଚ୍ଚ ୧୭ ଦିନ ସାଢେ ଗୋଟାଏରେ ମୁମ୍ବାଇର ୱାନଖେଡେ ଷ୍ଟାଡିୟମରେ ଭାରତ-ଅଷ୍ଟ୍ରେଲିଆ ମଧ୍ୟରେ ଖେଳାଯିବ ପ୍ରଥମ ମ୍ୟାଚ । ଷ୍ଟାରସ୍ପୋର୍ଟସ ନେଟୱର୍କ ବ୍ୟତିତ ଅନ୍ୟ ଚ୍ୟାନେଲରେ ମଧ୍ୟ ମ୍ୟାଚର ଲାଇଭଟେଲିକାଷ୍ଟ ହେବ ।
