ରାଞ୍ଚି (ଏଟିଆର ବ୍ୟୁରୋ): ହିଟମ୍ୟାନ ରୋହିତ ଶର୍ମା ଆଜି ରାଞ୍ଚି ଠାରେ ଦକ୍ଷିଣ ଅଫ୍ରିକା ବିପକ୍ଷେରେ ଖେଳା ଯାଉଥିବା ତୃତୀୟ ଟେଷ୍ଟ ମ୍ୟାଚରେ ଦ୍ୱିଶତକ ମାରିବାରେ ସଫଲ ହୋଇଛନ୍ତି । ଏହା ପୂର୍ବରୁ ରୋହିତ ଦିନିକିଆ ମ୍ୟାଚରେ ୩ଟି ଦ୍ୱିଶତକ ମାରିଛନ୍ତି । ତେବେ ରୋହିତଙ୍କ ଏହା ହୋଉଛି ପ୍ରଥମ ଟେଷ୍ଟ କ୍ୟାରିୟରର ଦ୍ୱିଶତକ । ଏହି ଦ୍ୱିଶତକ ମାରି ସେ ସଚିନ ଓ ସେହ୍ୱାଗଙ୍କ ରେର୍କଡର ସମକକ୍ଷ ହୋଇପାରିଛନ୍ତି । ପୂର୍ବରୁ ଉଭୟ ଦିନିକିଆ ଓ ଟେଷ୍ଟ ମ୍ୟାଚରେ ସଚିନ, ସେହ୍ୱାଗ ଓ କ୍ରିସ ଗେଲ ଦ୍ୱିଶତକ ମାରି ରେର୍କଡ କରିଥିଲେ । ତେବେ ବର୍ତ୍ତମାନ ଏହି ରେର୍କଡର ଚତୁର୍ଥ ସ୍ଥାନ ହାସଲ କରିଛନ୍ତି ରୋହିତ ଶର୍ମା ।
ଗତକାଲି ରୋହିତ ୧୧୭ ରନ କରି ନଟ ଆଉଟ ରହିଥିଲେ । ଆଜି ଲଞ୍ଚ ପୂର୍ବରୁ ସେ ୧୯୯ ରନ କରିଥିଲେ । ଲଞ୍ଚ ପରେ ସେ ଏକ ଛକା ମାରି ଦ୍ୱିଶତକ ପୂରଣ କରିଥିଲେ । ଏହା ପରେ ରୋହିତ ରାବଡାଙ୍କ ଏକ ବଲରେ ଲୁଙ୍ଗି ଏନଗିଡିଙ୍କ ହାତରେ କ୍ୟାଚ ଆଉଟ ହୋଇଥିଲେ। ରୋହିତ ଆଜି ୨୫୫ଟି ବଲ ଖେଳି ୨୮ଟି ଚୌକା ଓ ୬ଟି ଛକା ସହାୟତାରେ ୨୧୨ରନ କରିଛନ୍ତି । ଦକ୍ଷିଣ ଆଫ୍ରିକା ବିପକ୍ଷରେ ୯ ଓ୍ଵିକେଟ୍ ବିନିମୟରେ ୪୯୭ ରନ୍ କରିବା ପରେ ନିଜର ପାଳି ଘୋଷଣା କରିଛନ୍ତି ଭାରତୀୟ ଟିମର ଅଧିନାୟକ ବିରାଟ କୋହଲି ।
