ବ୍ରିସବେନ (ଏଟିଆର ବ୍ୟୁରୋ) ; ଶକ୍ତିଶାଳୀ ଘରୋଇ ଅଷ୍ଟ୍ରେଲିଆକୁ ଭେଟିବ ଭ୍ରମଣକାରୀ ଭାରତ । ୩ଟି ଟି-୨୦ ବିଶିଷ୍ଟ ସିରିଜର ଆଜି ହେଉଛି ପ୍ରଥମ ମ୍ୟାଚ । ଦୁଇ ଦଳର ଖେଳାଳିମାନେ ଭଲ ଫର୍ମରେ ଥିବାବେଳେ ମ୍ୟାଚଟି କଡାଟକ୍କର ହେବା ନେଇ ଆଶା ରଖିଛନ୍ତି କ୍ରିକେଟ ପ୍ରେମୀ । ଦୁଇ ଦଳରେ ବହୁ ନୂଆ ଏବଂ ପୁରୁଣା ଖେଳାଳିଙ୍କୁ ନେଇ ଭେଟା ଭେଟି ହେବେ । ଘରୋଇ ମଇଦାନରେ ଅଷ୍ଟ୍ରେଲିଆର ପଲ୍ଲାଭାରି ଥିବା ବେଳେ ଭାରତୀୟ ଦଳର ଖେଳାଳିମାନେ ଏହାର ଜବାବ ଦେବା ପାଇଁ ବ୍ୟାଟ୍ସମ୍ୟାନ ଏବଂ ବୋଲର ପ୍ରସ୍ତୁତ ଥିବା ଦଳ ପକ୍ଷରୁ ସୂଚନା ଦିଆଯାଇଛି । ବିଦେଶ ମାଟିରେ ଘରୋଇ ଦଳକୁ ପରାସ୍ତ କରି ଇତିହାସ ରଚିବା ଲକ୍ଷଙ୍କର ଟିମ ଇଣ୍ଡିଆ । ଦଳର ଖେଳାଳି ମାନେ ଫୁଲ ଫର୍ମରେ ଥିବାବେଳେ ଶେଷଥର ପାଇଁ ୱେଷ୍ଟଇଣ୍ଡିଜକୁ ପରାସ୍ତ କରି ଖେଳାଳି ମାନେ ଉତ୍ସାହିତ ଅଛନ୍ତି ।
ସେପଟେ ଭ୍ରମଣକାରୀ ଦଳକୁ ଚକମା ଦେବା ପାଇଁ ଘରୋଇ ଦଳର ରଣନୀତି ପ୍ରସ୍ତୁତ କରିରଖିଛି । ଅନୁଷ୍ଠିତ ହେବାକୁ ଥିବା ପିଚରେ ପେସ ବୋଳରଙ୍କୁ ସୁହାଇବ । ଶକ୍ତିଶାଳୀ ଅଷ୍ଟ୍ରେଲିଆ ଦଳ ପକ୍ଷରୁ ଆଣ୍ଡ୍ରୁ ଟାଇଙ୍କ ନେତୃତ୍ୱରେ ଏକ ପେସ ବୋଲର ବାହିନୀ ପଡିଆକୁ ଓହ୍ଲାଇବ । ଯାହାକି ଭାରତୀୟ ବ୍ୟାଟ୍ସମ୍ୟାନଙ୍କ ପାଇଁ ଭାରି ପଡିପାରେ । ତେବେ କଙ୍ଗାରୁ ଦଳକୁ ସାମ୍ନା କରିବା ପାଇଁ ଭାରତ ପ୍ରସ୍ତୁତ ଥିବା ଦଳର ଅଧିନାୟକ ବିରାଟ କୋହଲି କହିଛନ୍ତି । ଆଜିର ମ୍ୟାଚରେ ଏହି ସବୁ ଖେଳାଳି ଖେଳିବାର ସମ୍ଭାବନା ଅଛି ।
ସମ୍ଭାବ୍ୟ ଭାରତୀୟ ଦଳ: ରୋହିତ୍ ଶର୍ମା, ଶିଖର ଧୱନ୍, ବିରାଟ୍ କୋହଲି(ଅ), ଲୋକେଶ୍ ରାହୁଲ୍, ରିଷଭ ପନ୍ତ, ଦିନେଶ କାର୍ତ୍ତିକ(ୱି), କୃନାଲ୍ ପାଣ୍ଡ୍ୟା. ଭୁବନେଶ୍ୱର କୁମାର୍, କୁଳଦୀପ ଯାଦବ ଯଶ୍ପ୍ରୀତ୍ ବୁମ୍ରା, ଖଲିଲ୍ ଅହମ୍ମଦ।
ସମ୍ଭାବ୍ୟ ଅଷ୍ଟ୍ରେଲିଆ ଦଳ: ଆରୋନ୍ ଫିଞ୍ଚ୍(ଅ), କ୍ରିସ୍ ଲିନ୍, ଡି.ଅର୍ସି ସର୍ଟ, ଗ୍ଲେନ୍ ମ୍ୟାକ୍ସୱେଲ୍, ବେନ୍ ମ୍ୟାକଡର୍ମଟ୍ଟ, ଆଲେକ୍ସ କ୍ୟାରୀ(ୱି), ମାର୍କସ୍ ଷ୍ଟଇନିସ୍, ନାଥାନ୍ କୁଟର-ନାଇଲ୍, ଆଣ୍ଡ୍ର୍ୟୁ ଟାଇ, ଜାସନ୍ ବେହରନ୍ଡ୍ରଫ୍, ବିଲି ଷ୍ଟାନ୍ଲେକ୍।
