ଲଣ୍ଡନ (ଏଟିଆର ବ୍ୟୁରୋ); ବିଶ୍ୱକପର ଏକ ଗୁରୁତ୍ୱପୂର୍ଣ୍ଣ ମ୍ୟାଚରେ ଭାରତ ଏବଂ ପାକିସ୍ତାନ ଭେଟାଭେଟି ହେବାକୁ ହେବାକୁ ଯାଉଛନ୍ତି । ଦୁଇ ପାରମ୍ପରିକ ପ୍ରତିଦ୍ୱନ୍ଦୀଙ୍କ ହାଇଭୋଲଟେଜ ମ୍ୟାଚ ଦେଖିବା ପାଇଁ ସମଗ୍ର କିକେଟ ପ୍ରେମୀ ଚାହିଁ ବସିଛନ୍ତି । ବିଶ୍ୱକପ ଭଳି ବଡ ଟୁର୍ଣ୍ଣାମେଣ୍ଟରେ ଏହି ଦୁଇ ଦଳର ଶକ୍ତି ବଢ଼ିଯାଇଥାଏ ଯେବେ ପରଷ୍ପରକୁ ଭେଟିଥାନ୍ତି । ତେବେ ପାକିସ୍ତାନ ଆଜି ପର୍ଯ୍ୟନ୍ତ ବିଶ୍ୱକପରେ ଭାରତଠାରୁ ମ୍ୟାଚ ଜିତିନାହିଁ ।
ପ୍ରଥମଥର ଭାରତଠାରୁ ବିଜୟ ହେବା ଲକ୍ଷରେ ପାକିସ୍ତାନ ରହିବ । ଅପରପକ୍ଷରେ ପାକିସ୍ତାନକୁ ପୁଣିଥରେ ହରାଇ ରେକର୍ଡ କରିବା ଲକ୍ଷ୍ୟରେ ଭାରତ । ଆଜି ମ୍ୟାଚରେ ଟିକେଟ ସମ୍ପୂର୍ଣ୍ଣ ଭାବରେ ବିକ୍ରି ହୋଇ ସାରିଛି । ରବିବାର ଛୁଟିଦିନ ହୋଇଥିବାରୁ ଟିଭିରେ ଖେଳ ଦେଖିବା ପାଇଁ ଚାତକ ଭଳି ଚାହିଁ ବସିଛନ୍ତି କ୍ରିକେଟ ପ୍ରେମୀ ।
ପାକିସ୍ତାନ ୪ଟି ମ୍ୟାଚରୁ ଗୋଟିଏ ଜିତିଥିବା ବେଳେ ଦୁଇଟି ହାରିଛି ଏବଂ ଗୋଟିଏ ବାତିଲ ହୋଇଛି । ମାତ୍ର ୩ ପଏଣ୍ଟ ପାଇ ପଏଣ୍ଟ ଟେବୁଲର ନବମ ସ୍ଥାନରେ ରହିଛି । ଭାରତ ୩ଟି ମ୍ୟାଚରୁ ଦୁଇଟି ବିଜୟୀ ହେବା ସହିତ ଗୋଟିଏ ବର୍ଷା ଧୋଇ ନେଇଥିଲା । ୩ ପଏଣ୍ଟ ପାଇ ଦଳ ଚତୁର୍ଥ ସ୍ଥାନରେ ରହିଛି । ଆଜିର ମ୍ୟାଚରେ ଧାୱନଙ୍କ ସ୍ଥାନରେ କିଏ ଖେଳିବ ତା ଉପରେ ସମସ୍ତଙ୍କ ନଜର । ଭାରତର ବ୍ୟାଟିଂ ଏବଂ ପାକିସ୍ତାନ ବୋଲିଂ ମଧ୍ୟରେ ହେବ କଡା ଟକ୍କର । ବିରାଟ,ରୋହିତ,ଧୋନି, ପାଣ୍ଡ୍ୟା ଏବଂ ରାହୁଲ ଦମଦାର ଫର୍ମରେ ରହିଛନ୍ତି । ଅପରପକ୍ଷରେ ପାକିସ୍ତାନର ଆମିର,ରିଆଜ ବୋଲିଂ ସ୍ପେଲ ଭଲ ରଖିଛନ୍ତି ।
