ଥିରିବନ୍ତପୁରମ (ଏଟିଆର ବ୍ୟୁରୋ) ; ଭାରତ ୱେଷ୍ଟଇଣ୍ଡିଜ ମଧ୍ୟରେ ଅନୁଷ୍ଠିତ ହୋଇଥିିବା ୫ ଟି ଦିନିକିଆ ବିଶିଷ୍ଟ ସିରିଜର ଆଜି ହେଉଛି ଅନ୍ତିମ ମ୍ୟାଚ । ପୂର୍ବ ଚାରିଟି ମ୍ୟାଚରୁ ଭାରତ ୨ଟି ଜିତି ଆଗୁଆ ଥିବା ବେଳେ ୱେଷ୍ଟଇଣ୍ଡିଜ ଗୋଟିଏ ମ୍ୟାଚ ଜିତିଛି । ତେବେ ସମସ୍ତଙ୍କ ନଜର ଆଜିର ମ୍ୟାଚ ଉପରେ । ଯଦି ଆଜି ଭ୍ରମଣକାରୀ ୱେଷ୍ଟଇଣ୍ଡିଜ ମ୍ୟାଚ ଟି ଜିତି ଯାଏ ତେବେ ସିରିଜ ବରାବର ହୋଇଯିବ କାରଣ ତୃତୀୟ ଦିନିକିଆଟି ଟାଇ ହୋଇଯାଇଥିଲା । ତେବେ ସିରିଜ ହାତେଇବା ଲକ୍ଷରେ ପଡିଆକୁ ଓହ୍ଲାଇବ ଭାରତ । କିନ୍ତୁ ଭାରତର ବାଟ ଓଗାଳି ମ୍ୟାଚକୁ ଜିତି ସିରିଜ ବରାବର ଲକ୍ଷରେ ୱେଷ୍ଟଇଣ୍ଡିଜ । ଏଣୁ ଆଜିର ମ୍ୟାଚଟି ଦୁଇ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ମ୍ୟାଚଟି ଏକ ରୋମାଞ୍ଚକ ହେବ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ ।
ସମ୍ଭାବ୍ୟ ଭାରତୀୟ ଦଳରେ ବିରାଟ କୋହଲି (ଅଧିନାୟକ), ରୋହିତ ଶର୍ମା, ଶିଖର ଧାୱନ୍, ଅମ୍ବାତି ରାୟୁଡୁ, କେଦାର ଯାଦବ, ମହେନ୍ଦ୍ର ସିଂହ ଧୋନି, ରବୀନ୍ଦ୍ର ଜାଦେଜା, ଭୁବନେଶ୍ୱର କୁମାର, ଖଲିଲ ଅହମ୍ମଦ, କୁଲଦୀପ ଯାଦବ, ଯଶପ୍ରିତ ବୁମରା ।
ସେହିପରି ସମ୍ଭାବ୍ୟ ୱେଷ୍ଟଇଣ୍ଡିଜ ଦଳରେ ଜାସନ ହୋଲ୍ଡର (ଅଧିନାୟକ), ଚନ୍ଦ୍ରପଲ ହେମରାଜ/ସୁନିଲ ଅମ୍ବ୍ରିସ, କିରଣ ପାୱେଲ, ସାଇ ହୋପ, ସିମ୍ରନ ହେଟ୍ମେୟର, ମାର୍ଲନ ସାମୁଏଲସ, ରୋମାନ ପାୱେଲ, ନର୍ସ, କିମୋ ପଲ, ଦେବେନ୍ଦ୍ର ବିଶୁ/ଫବିଏନ ଆଲେନ, କେମାର ରୋଚ ।
