କୋଲକାତା (ଏଟିଆର ବ୍ୟୁରୋ); ଆଇପିଏଲ ୧୨ ସସ୍କରଣର ୫ମ ମ୍ୟାଚରେ ପଞ୍ଜାବକୁ ହରାଇଲା କୋଲକାତା । ରସେଲ ଏବଂ ନିତୀଶ ରାଣାଙ୍କ ଧୂଆଁଧାର ବ୍ୟାଟିଂ ଆଗରେ ହାର ମାନିଲେ ପଞ୍ଜାବ ବୋଲର । ପ୍ରଥମ ଇନିଂସରେ ରବୀନ ଉଥାପ୍ପା (ଅପରାଜିତ ୬୭ ରନ୍, ୫୦ ବଲ, ୬ ଚୌକା ଓ ୨ ଛକା) ଓ ନୀତିଶ ରାଣାଙ୍କ ଅର୍ଦ୍ଧଶତକ (୬୩ ରନ୍, ୩୪ ବଲ, ୨ ଚୌକା ଓ ୭ ଛକା) ବଳରେ କୋଲକାତା ନାଇଟ୍ ରାଇଡର୍ସ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)ର ୧୨ତମ ସଂସ୍କରଣରେ ବୁଧବାର ନିର୍ଦ୍ଧାରିତ ୨୦ ଓଭରରେ ୪ ଓ୍ଵିକେଟ୍ ହରାଇ ୨୧୮ ରନ୍ କରିଥିଲା। ଫଳରେ ପଂଜାବକୁ ୨୧୯ ରନ୍ ଟାର୍ଗେଟ ମିଳିଥିଲା।
ଏହି ବିଶାଳ ସ୍କୋରକୁ ପିଛା କରିବା ପାଇଁ ଯାଇ ପଞ୍ଜାବ ନିର୍ଦ୍ଧାରିତ ଓଭର ମଧ୍ୟରେ ୪ୱିକେଟ ବିନିମୟରେ ୧୯୦ ରନ କରିଥିଲା । ଦଳ ପକ୍ଷରୁ ଡାଭିଡ ମିଲର (ଅପରାଜିତ ୫୯ ରନ୍, ୪୦ ବଲ, ୫ ଚୌକା ଓ ୩ ଛକା) ଓ ମନ୍ଦୀପ ସିଂହ (ଅପରାଜିତ ୩୩ ରନ୍, ୧୫ ବଲ, ୪ ଚୌକା ଓ ୧ ଛକା)ଙ୍କ ଳଢୁଆ ବ୍ୟାଟିଂ ପରେ ବୁଧବାର କିଙ୍ଗ ଏକ୍ସଆଇ ପଂଜାବ ପରାସ୍ତ ହୋଇଛି। ଦ୍ୱିତୀୟ ଇନିଂସରେ ୨୧୯ ରନ୍ ଟାର୍ଗେଟ ନେଇ ପଂଜାବ ନିର୍ଦ୍ଧାରିତ ୨୦ ଓଭରରେ ୪ ଓ୍ଵିକେଟ ହରାଇ ୧୯୦ ରନ୍ କରିପାରିଛି। ଫଳରେ କୋଲକାତା ନାଇଟ୍ ରାଇଡର୍ସ ଠାରୁ ୨୮ ରନ୍ରେ ପରାସ୍ତ ହୋଇଛି। ଚଳିତ ଆଇପିଏଲ୍ରେ କୋଲକାତାର ଏହା ହେଉଛି ଦ୍ୱିତୀୟ ବିଜୟ।
