ଇଣ୍ଡୋର (ଏଟିଆର ବ୍ୟୁରୋ); ସୌରାଷ୍ଟ୍ରକୁ ୮ ରନରେ ହରାଇଲା ମୁମ୍ବାଇ । ଏହି ବିଜୟ ପରେ ତାରକା ଖଚିତ ଦଳର ବିଜୟ ଧାରା ଜାରି ରହିଛି । ମୁମ୍ବାଇର ଘାତକ ବୋଲିଂ ଆଗରେ ହାର ମାନିିଛି ସୌରାଷ୍ଟ୍ର । ମୁମ୍ବାଇ ପକ୍ଷରୁ ସାର୍ଦ୍ଧୁଲ ଠାକୁର ସର୍ବାଧିକ ୩ଟି ୱିକେଟ ଅକ୍ତିଆର କରିଥିଲେ । ଚଳିତ ବର୍ଷ ମୁମ୍ବାଇ ଦଳ ଭଳ ଫର୍ମରେ ରହିଛି । ସୟଦ ମୁଷ୍ଟାକ ଅଲ୍ଲୀ ଟ୍ରଫିରେ ଗୋଟିଏ ପରେ ଗୋଟିଏ ମ୍ୟାଚ ଜିତିବାରେ ଲାଗିଛି ମୁମ୍ବାଇ ।
ମୁମ୍ବାଇ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭର ମଧ୍ୟରେ ସମସ୍ତ ୱିକେଟ ହରାଇ ୧୪୭ ରନ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ ପ୍ରଥମ ଚାରି ଜଣ ଖେଳାଳି ଭଲ ଖେଳ ପ୍ରଦର୍ଶନ କରିଥିଲେ । ଏବଂ ଏହାପରେ ମୁମ୍ବାଇ ବ୍ୟାଟିଂ ବିପର୍ଯ୍ୟୟ ଘଟିଥିଲା । ଦଳ ପକ୍ଷରୁ ଶ୍ରେୟସ ଆୟାର ୩୬ ଏବଂ ପୃଥୀ ଓ ମଧ୍ୟ ୩୬ ରନ କରିଥିଲେ । ସୌରାଷ୍ଟ୍ର ଭଲ ବୋଲିଂ ପ୍ରଦର୍ଶନ କରି ମୁମ୍ବାଇ ଭଳି ଟିମକୁ ୧୪୭ରେ ବ୍ରେକ ଲଗାଇଥିଲା । ଦଳର ଅଧିନାୟକ ଜୟଦେବ ଉଦନାକଟ ୨ଟି ୱକେଟ ନେଇଥିବା ବେଳେ ପେରକ ମାର୍କଣ୍ଡ ୩ଟି ୱିକେଟ ଅକ୍ତିଆର କରିଥିଲେ ।
୧୪୮ ରନର ବିଜୟ ଲକ୍ଷକୁ ପିଛା କରିବାକୁ ଯାଇ ସୌରାଷ୍ଟ୍ର ୧୯ ଓଭର ୫ଟି ବଲରେ ୧୩୯ ରନ କରି ଅଲଆଉଟ ହୋଇ ଯାଇଥିଲା । ଦଳ ପକ୍ଷରୁ ରବିନ ଉଥପ୍ପା ଏକାକି ଜିତାଇବା ପାଇଁ ପ୍ରୟାସ ଜାରି ରଖିଥିଲେ । ତେବେ ଭୁଲ ବୁଝାବଣା ପାଇଁ ସେ ରନ ଆଉଟ ହୋଇ ଯାଇଥିଲେ । ଫଳରେ ଦଳ ପରାଜୟକୁ ବରଣ କରିଥିଲା । ଉଥପ୍ପା ସର୍ବାଧିକ ୫୭ ରନ କରିଥିଲେ । ସେପଟେ ମୁମ୍ବାଇ ପକ୍ଷରୁ ସାଦ୍ଧୁଲ ଠାକୁରୁ ୩ଟି,ଧାୱଲ କୁଲକର୍ଣ୍ଣୀ ୨ଟି,ତୁଷାର ଦେଶପାଣ୍ଡେ ୨ଟି ଏବଂ ମୁଲାନି ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ ।
