ସିଡନୀ (ଏଟିଆର ବ୍ୟୁରୋ); ଅଷ୍ଟ୍ରେଲିଆ ବିପକ୍ଷ ଅନ୍ତିମ ଟେଷ୍ଟ ମ୍ୟାଚ ଖେଳିବେନି ରୋହିତ । ଯାହାକୁ ନେଇ ଦ୍ୱନ୍ଦରେ ପଡିଛି ଦଳ । ତାଙ୍କ ଜାଗାରେ ଦଳ କାହାକୁ ଜାଗା ଦେବ ତାହା ମଧ୍ୟ ସ୍ପଷ୍ଠ କରିନାହିଁ । ତେବେ ରୋହିତଙ୍କର ନିକଟରେ ଏକ ଝିଅ ଜନ୍ମ ହୋଇଛି । ଏହା ରୋହିତଙ୍କ ପ୍ରଥମ ସନ୍ତାନ ହୋଇଥିବାରୁ ସ୍ତ୍ରୀ ଏବଂ ଛୁଆ ସହ ସମୟ କାଟିବା ପାଇଁ ଭାରତକୁ ଫେରି ଆସିଛନ୍ତି ରୋହିତ । ତୃତୀୟ ଟେଷ୍ଟରେ ରୋହିତ ପ୍ରଥମ ପାଳରେ ଅପରାଜିତ ୬୩ ରନ କରିଥିଲେ । ଏଣୁ ଆସନ୍ତା ୩ ତରିଖରେ ହେବାକୁ ଥିବା ୪ର୍ଥ ଟେଷ୍ଟରେ ରୋହିତଙ୍କ ଅନୁପସ୍ଥିତି ଦଳ ପାଇଁ ମହଙ୍ଗେ ପଡିବ ବୋଲି କହିଛନ୍ତି କ୍ରିକେଟ ପ୍ରେମୀ ।
୪ଟି ଟେଷ୍ଟ ମ୍ୟାଚ ବିଶିଷ୍ଟ ସିରିଜରେ ଭାରତ ୨-୧ରେ ଆଗୁଆ ରହିଥିବା ବେଳେ ଶେଷ ଟେଷ୍ଟ ଉଭୟ ଦଳ ପାଇଁ ଗୁରୁତ୍ୱ ରହିଛି । ସେପଟେ ଅଷ୍ଟ୍ରେଲିଆ ଶେଷ ମ୍ୟାଚକୁ ଜିତି ସିରିଜକୁ ବରାବର କରିବା ପାଇଁ ଚେଷ୍ଟା କରିବା ବେଳେ ଭାରତ ଡ୍ର କରି ସିରିଜ ବିଜୟ ପାଇଁ ଚେଷ୍ଟା କରିବ । ଏଣୁ ଏହି ମ୍ୟାଚରେ କଡା ଟକ୍କର ହେବ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ । ଏଣୁ ମ୍ୟାଚରେ ରୋହିତଙ୍କ ଅନୁପସ୍ଥିତି ଦଳ ପାଇଁ ମହଙ୍ଗା ପଡିପାରେ ।
