ନୂଆଦିଲ୍ଲୀ (ଏଟିଆର ବ୍ୟୁରୋ): ସୋସିଆଲ ମିଡିଆରେ ବିରାଟ କୋହଲିଙ୍କ ଧମାଲ । ଇଂଷ୍ଟାଗ୍ରାମରେ ଫଲୋର୍ସ ସଂଖ୍ୟା ଛୁଇଁଲା ୨୦ କୋଟି । ଏହାପରେ ସେ ଦୁନିଆରେ ଭାରତର ପ୍ରଥମ କ୍ରିକେଟର ହୋଇ ପାରିଛନ୍ତି ଯାହାଙ୍କର ଫଲୋର୍ସ ୨୦ କୋଟି । କେବଳ ଏତିକି ନୁହେଁ ସମସ୍ତ ଖେଳର ଖେଳାଳୀଙ୍କ ମଧ୍ୟରେ ସେ ତୃତୀୟ ସ୍ଥାନରେ ରହିଛନ୍ତି ଯାହାଙ୍କୁ ସବୁଠାରୁ ଅଧିକ ଫଲୋ କରାଯାଉଛି ।
ପର୍ତ୍ତୁଗାଲର ଫୁଟବଲ ଖେଳାଳୀ କ୍ରିଷ୍ଟିୟାନୋ ରୋନାଲ୍ଡ ସବୁଠୁ ଅଧିକ ଫଲୋ କରାଯାଉଥିବା ଖେଳାଳୀ ଭାବେ ପ୍ରଥମ ସ୍ଥାନରେ ରହିଛନ୍ତି । ତାଙ୍କୁ ୪୫ କୋଟି ରୁ ଅଧିକ ଲୋକ ଫଲୋ କରୁଛନ୍ତି । ଏହାପରେ ଦ୍ୱିତୀୟରେ ରହିଛନ୍ତି ଆର୍ଜେଣ୍ଟିନାର ଦିଗଜ ଖେଳାଳୀ ଲିୟୋନଲ ମେସି । ତାଙ୍କ ଫଲୋର୍ସ ସଂଖ୍ୟା ୩୩ କୋଟିରୁ ଅଧିକ । ସେହିପରି ଏବେ ତୃ୍ତୀୟରେ ରହିଛନ୍ତି ଭାରତର କ୍ରିକେଟ ଖେଳାଳୀ ବିରାଟ କୋହଲି । ଯାହାଙ୍କର ଫଲେଶର୍ସ ସଂଖ୍ୟା ୨୦ କୋଟି ।
