ନୂଆଦିଲ୍ଲୀ (ଏଟିଆର ବ୍ୟୁରୋ): ଫ୍ୟାନ୍ସ ସହଯୋଗ ପାଇଁ ଧନ୍ୟବାଦ ଜଣାଇବାରେ କେବେ ବି ପଛଘୁଞ୍ଚା ଦେଇନଥାନ୍ତି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି । ଅଧିକାଂଶ ସମୟରେ ବିରାଟ କୋହଲି ଫ୍ୟାନ୍ସମାନଙ୍କ ସହିତ ସେଲଫି ନେଉଥିବାର କିମ୍ବା ଅଟୋଗ୍ରାଫ୍ ଦେଉଥିବାର ଦେଖିବାକୁ ମିଳିଥାଏ ।
ସେହିପରି ଶନିବାର ମାଉଣ୍ଟ ମେଙ୍ଗନୁଇଠାରେ ଦ୍ୱିତୀୟ ଦିନିକିଆ ମ୍ୟାଚରେ ଭାରତୀୟ ଦଳ ୯୦ ରନ୍ରେ ନ୍ୟୁଜଲାଣ୍ଡକୁ ହରାଇ ବିଜୟୀ ହୋଇଥିଲା । ସେଥିପାଇଁ ଦଳର ଅଧିନାୟକ ବିରାଟ କୋହଲି ଭାରତୀୟ କ୍ରିକେଟ୍ ଟିମ୍ ର ଫ୍ୟାନ୍ସଙ୍କୁ ଅଟୋଗ୍ରାଫ ଦେଇ ଦ୍ୱିତୀୟ ଦିନିକିଆ ମ୍ୟାଚ ବିଜୟୀର ଜଶନ ମନାଇଥିଲେ ।
ବିସିସିଆଇ ତାର ଅଫିସିଆଲ ଇଂଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି ।
ଖବରମୁତାବକ, ଭାରତୀୟ ଦଳ ନ୍ୟୁଜଲାଣ୍ଡ ବିପକ୍ଷ ସିରିଜ୍ ୨.୦ରେ ଆଗରେ ଅଛି । ତୃତୀୟ ମ୍ୟାଚ ସୋମବାର ମାଉଣ୍ଟ ମେଙ୍ଗନୁଇରେ ଖେଳାଯିବ । ବିଶ୍ୱକପ ବର୍ଷରେ ଭାରତୀୟ ଟିମ୍ ପାଇଁ ଏହା ସାନ୍ ଦାର ଶୁଭାରମ୍ଭ ।
ବିରାଟ କୋହଲି ନେତୃତ୍ୱରେ ଭାରତୀୟ ଦଳ ନିକଟରେ ଅଷ୍ଟ୍ରେଲିଆରେ ଦିନିକିଆ ସିରିଜ୍ ଜିତି ଇତିହାସ ରଚିଥିଲା । ଏହାପରେ ନ୍ୟୁଜଲାଣ୍ଡ ବିପକ୍ଷରେ ଭାରତର ଆରମ୍ଭ ଜମକର୍ ରହିଛି । ରିପୋର୍ଟ ଅନୁଯାୟୀ ନେପିୟରରେ ଖେଳାଯାଇଥିବା ମ୍ୟାଚରେ ଭାରତୀୟ ଦଳ ନ୍ୟୁଜଲାଣ୍ଡକୁ ୮ ୱିକେଟରେ ପରାସ୍ତ କରାଇଥିଲା ।
ଏହାସହିତ ଭାରତୀୟ ଦଳ ମାଉଣ୍ଟ ମେଙ୍ଗନୁଇରେ ଦ୍ୱିତୀୟ ମ୍ୟାଚ ଜିତି ଗଣତନ୍ତ୍ର ଦିବସର ଉପହାର ଦେଇଛନ୍ତି । ଭାରତୀୟ ଦଳ ପ୍ରଥମ ଟସ୍ ଜିତି ନିର୍ଦ୍ଧାରିତ ୫୦ ଓଭରରେ ୪ ୱିକେଟ୍ ହରାଇ ୩୨୪ ରନ୍ କରିଥିଲା ।
