ନୂଆଦିଲ୍ଲୀ (ଏଟିଆର ବ୍ୟୁରୋ): କ୍ରିକେଟ ମଇଦାନରେ ନିଜର ଜବରଦସ୍ତ ପ୍ରଦର୍ଶନ କରି ସାରା ଦେଶରେ ଛାଇଛନ୍ତି ଭାରତୀୟ କ୍ରିକେଟ ଟିମ୍ ର ଅଧିନାୟକ ବିରାଟ କୋହଲି । କିନ୍ତୁ ଏବେ ବଛା ବଛି ଧନୀ ଖେଳାଳିଙ୍କ ତାଲିକାରେ ସାମିଲ ହୋଇଛନ୍ତି କୋହଲି । ଫୋବର୍ସ ପତ୍ରିକା ଅନୁଯାୟୀ ଦୁନିଆର ସବୁଠାରୁ ଅଧିକ ଆୟ କରୁଥିବା ଖେଳାଳି ତାଲିକାରେ କୋହଲି ଅଛନ୍ତି ।
ଲଗାତର ତିନି ବର୍ଷ ମଧ୍ୟରେ ଶୀର୍ଷ ଶହେ ଖେଳାଳି ତାଲିକାରେ ବିରାଟ କୋହଲି ଏକମାତ୍ର ଭାରତୀୟ ଖେଳାଳି । ହୁଏତ ଏଥରକ ର୍ୟାଙ୍କକୁ ନେଇ ତାଙ୍କ ଉପରେ ପ୍ରଭାବ ପଡିଛି ଏବଂ ସେ ୧୦୦ ନମ୍ବର ର୍ୟାଙ୍କରେ ଆସି ପହଁଚିଛନ୍ତି ।
ଗତବର୍ଷ ଏହି ତାଲିକାର ୮୩ ନମ୍ବର ସ୍ଥାନରେ ସେ ରହିଥିଲେ । ଏଥରକ ତାଙ୍କର ସର୍ବମୋଟ ଆୟ ୨୫ ମିଲିୟନ । ଏଥି ମଧ୍ୟରୁ ତାଙ୍କର ଦରମା ହାରାହାରି ୨୭.୭୫ କୋଟି ଏବଂ ବିଜ୍ଞାପନ ରୁ ୧.୪୫ ବିଲିୟନ ଆୟ ହୋଇଥାଏ । । ସେ ୨୦୧୭ ରେ ୮୯ ନମ୍ବର ସ୍ଥାନରେ ରହିଥିଲେ ।
ବିରାଟଙ୍କ ଗତବର୍ଷର ଆୟ ୧୦୦.୭୨ କୋଟି ଥିଲା । ସେହିପରି ଜୁନ୍ ୨୦୧୮ ରୁ ନେଇ ଜୁନ୍ ୨୦୧୯ ପର୍ଯ୍ୟନ୍ତ ତାଙ୍କ ଆୟ ୧୦ ଲକ୍ଷ ଡଲାରରୁ ବଢି ୨୫ କୋଟି ଡଲାରରେ ପହଁଚିଛି । ଏହାବ୍ୟତିତ ସେ ୮୩ ନମ୍ବର ସ୍ଥାନରୁ ଖସି ଆସି ୧୦୦ ନମ୍ବର ସ୍ଥାନରେ ପହଁଚିଛନ୍ତି ।
