ଭୁବନେଶ୍ୱର (ଏଟିଆର ବ୍ୟୁରୋ ) ; ପର୍ବରେ ପଥରମାଡ । ଅଶାନ୍ତ ହେଲା କାଶ୍ମିର । ପୁଣି ମାତିଲେ କାଶ୍ମିରର ଅଶାନ୍ତ ଯୁବକ । ଆଜି ସାରାଦେଶ ଧୁମଧାମରେ ପାଳୁଛି ଇଦ-ଉଲ-ଜୁହା । ହେଲେ ଅଶାନ୍ତ କାଶ୍ମିରରେ ମାତିଛନ୍ତି କିଛି ଅସାମାଜିକ ଯୁବକ । ଅନନ୍ତନାଗ ସୁରକ୍ଷାକର୍ମୀଙ୍କ ଉପରକୁ ପଥର ମାଡ କରିଛନ୍ତି କିଛି ଅସାମାଜିକ ତତ୍ୱ । ଶ୍ରୀନଗରରେ କାଶ୍ମିର ବିଛିନ୍ନଚ୍ଛାବାଦୀ ସମର୍ଥକ ଏପରି ପଥର ମାଡ କରିଥିବା ଜଣାପଡିଛି । ତେବେ ସୁରକ୍ଷାକର୍ମୀଙ୍କୁ କାଶ୍ମିର ବିଛିନ୍ନତାବାଦୀ ମାନଙ୍କୁ ଘଉଡେଇବା ଲାଗି ନାକେଦମ ହେବାକୁ ପଡିଛି । ସୁଚନାଯୋଗ୍ୟ ନମାଜ ପଢାସରିବା ପରେ ପୋଲିସ ଓ ବିଛିନ୍ନତା ବାଦୀ ଙ୍କ ମଧ୍ୟରେ ସଂଘର୍ସ ହୋଇଥିଲା । ତେବେ ଯୁବକ ମାନେ ପଥର ମାଡ ସାଙ୍ଗକୁ ଆଇଏସଆଇଏସ ଏବଂ ପାକିସ୍ତାନ ପତାକା ମଧ୍ୟ ଦେଖାଇଥିଲେ । ସେପଟେ କାଶ୍ମିର ଏବେ ରାଷ୍ଟ୍ରପତି ଶାସନ ଅଧିନ ରେ ରହିଥିବା ବେଳେ କାଶ୍ମିରର ନୁଆ ରାଜ୍ୟପାଳ ଭାବେ ସତପାଲ ମଲ୍ଲିକଙ୍କୁ ନିଯୁକ୍ତି ଦିଆଯାଇଛି । ।
