ଭବାନୀପାଟଣା (ଏଟିଆର ବ୍ୟୁରୋ ) ; ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର । ଭବାନୀପାଟଣା ଟାଉନ ଥାନା ଅନ୍ତର୍ଗତ ଦେବାନ ସାହେବପଡାରେ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି ପୋଲିସ । ତେବେ ମୃତ ଯୁବକ ଜଣକ ଜୁନାଗଟ ଥାନା ନିକଟ ମକରସୋଲା ଗ୍ରାମର ନବ ପଟେଲ ବୋଲି ଜଣାପଡିଛି । ଏକ ମେଡିସିନ କମ୍ପାନୀରେ ଏମଆର ଭାବେ ନବ ପଟେଲ କାମ କରୁଥିବା ବେଳେ ସେ ୩ ବର୍ଷ ହେବ ଭବାନୀପାଟଣା ସହରରେ ଏକ ଭଡା ଘରେ ରହୁଥିଲେ । ସେପଟେ ପୋଲିସର କହିବା ଅନୁସାରେ ଗତକାଲି ରାତି ୯.୩୦ ସମୟରେ ନବ ପଟେଲ ଆତ୍ମହତ୍ୟା କରିଛନ୍ତି । ତେବେ ଆତ୍ମହତ୍ୟାର କାରଣ ଏପର୍ଯ୍ୟନ୍ତ ଜଣାପଡିନଥିବା ବେଳେ ତାଙ୍କ ଝୁଲନ୍ତା ମୃତଦେହ ନିକଟରେ ଏକ ସୁଇସାଇଡ ନୋଟ ମିଳିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ମୃତଦେହକୁ ପୋଲିସ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
