ଭୁବନେଶ୍ୱର (ଏଟିଆର ବ୍ୟୁରୋ ) ; ଉତ୍ତରପ୍ରଦେଶର ଭୋଟର ତାଲିକାରେ ସନ୍ନି ଲିଓନିଙ୍କ ଫୋଟୋ । ୟୁପିର ବାଲିଆ ଜିଲ୍ଲାରେ ଜାରି ହୋଇଛି ଭୋଟର ତାଲିକା । ଏହି ତାଲିକାରେ ଏମିତି କିଛି ଦୃଶ୍ୟ ଅଛି ଯାହା ସମସ୍ଥଙ୍କୁ ଆଶ୍ଚର୍ଯ୍ୟ କରିଦେଇଛି । ଭୋଟର ତାଲିକାରେ ନାମ , ବୟସ , ଠିକଣା ତ ଠିକ ଅଛି କିନ୍ତୁ ଫୋଟୋ ଯାଗାରେ ହାତୀ , ବତକ , ହରିଣ ଏପରିକି ବଲିଉଡ ଅଭିନେତ୍ରୀ ସନ୍ନି ଲିଓନି ଙ୍କ ଫୋଟୋ ଲଗାଯାଇଛି । ଯାହା ପ୍ରଶାସନିକ ସ୍ଥରର ତ୍ରୁଟିକୁ ପଦାରେ ପକାଇଛି ।
ଉତ୍ତର ପ୍ରଦେଶ ବାଲିଆରେ ଜାରି ହୋଇଥିବା ଏକ ଭୋଟର୍ ତାଲିକାରେ ଦୁର୍ଗାବତୀ ନାମକ ଜଣେ ମହିଳାଙ୍କ ଫଟୋ ସ୍ଥାନରେ ସନ୍ନି ଲିଓନିଙ୍କ ଫଟୋ ଦେଖିବାକୁ ମିଳିଛି । ତାଲିକାରେ ଦୁର୍ଗାବତୀଙ୍କ ଫୋଟୋ ପାଇଁ ଉଦ୍ଧିଷ୍ଟ ଜାଗାରେ ସନ୍ନି ଲିଓନିଙ୍କ ଫୋଟୋ ଲଗାଯାଇଥିବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଏମିତି କି ସରକାରୀ ୱେବସାଇଟରେ ମଧ୍ୟ ଅନୁରୁପ ଘଟଣା ଦେଖିବାକୁ ମିଳିଛି । ଖାଲି ସେତିକି ନୁହେଁ ୟୁପିର ପୂର୍ବ କ୍ୟାବିନେଟ୍ ମନ୍ତ୍ରୀ ନାରଦ ରାୟ, ବରିଷ୍ଠ ଅଧିକାରୀ କୁୱଁର ଅଙ୍କୁର ସିଂ ଓ କୁୱଁର ଗୌରବଙ୍କ କ୍ଷେତ୍ରରେ ମଧ୍ୟ ବିରାଟ୍ ଭୁଲ ହୋଇଛି । ନାରଦ ରାୟଙ୍କ ଫଟୋରେ ଏକ ହାତୀ, କୁୱଁର ଅଙ୍କୁର ସିଂଙ୍କ ଫଟୋରେ ଏକ ହରିଣ ଓ କୁୱଁର ଗୌରବଙ୍କ ଫଟୋରେ ଏକ ପାରାର ଫଟୋ ଜାରି କରାଯାଇଛି ।
