କଟକ( ଏଟିଆର ବ୍ୟୁରୋ ) ; ଓକିଲଙ୍କୁ ବାଡେଇ ସସପେଣ୍ଡ ହେଲେ ୩ ଜଣ ପୋଲିସ କର୍ମଚାରୀ । ଗତକାଲି କଟକରେ ପୋଲିସ ଏବଂ ଓକିଲଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏଥିରେ ପୋଲିସ ପକ୍ଷରୁ ଓକିଲ ମାନଙ୍କୁ ମାଡ ମରାଯାଇଥିଲା । ତେବେ ଆଜି ଏ ଘଟଣା ସମ୍ବନ୍ଧରେ ଅଭିଯୋଗ ପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି କଟକ ଡିସିପି ଅଖିଳେଶ୍ୱର ସିଂ । ୩ ଜଣ ପୋଲିସ କର୍ମଚାରୀଙ୍କୁ ସସପେଣ୍ଡ କରିଛନ୍ତି କଟକ ଡିସିପି । ଏହାସହ ଜଣେ ହୋମଗାର୍ଡଙ୍କୁ ମଧ୍ୟ ନୋଟିସ ଜାରି କରାଯାଇଛି । ତେବେ ଏକ ମାସ ମଧ୍ୟରେ ହୋମଗାର୍ଡଙ୍କୁ ନୋଟିସର ଜବାବ ଦେବାକୁ ମଧ୍ୟ କୁହାଯାଇଛି । ସେପଟେ ମାତ୍ରାଧିକ କାର୍ଯ୍ୟାନୁଷ୍ଟାନ ପାଇଁ ସସପେଣ୍ଡ ହୋଇଥିବା ପୋଲିସ କର୍ମଚାରୀଙ୍କ ନାମ ହାବିଲଦାର ପି.କେ ବେହେରା, କନଷ୍ଟେବଲ ବିକେ ସାମଲ ଓ ୟୁକେ ଭୂୟାଁ ବୋଲି ଜଣାପଡିଛି ।
ଅନ୍ୟପଟେ ଏହି ଘଟଣାରେ ୪ ଟି ମାମଲାରେ ରୁଜୁ କରାଯାଇଥିବା ବେଳେ ଏହାର ତଦନ୍ତ କେହି ଥାନା ଅଧିକାରୀ କରିବେନି ବୋଲି ଡିସିପି କହିଛନ୍ତି । ଖୋଦ ଏଡିସିପିଙ୍କ ତତ୍ୱାବଧାନରେ କ୍ରାଇମବ୍ରାଞ୍ଚର ଅଧିକାରୀ ମାନେ ଏହାର ତଦନ୍ତ କରିବେ । ଏହି ତଦନ୍ତରେ ଯାହାର ନାମ ସାମ୍ନାକୁ ଆସିବ ତାଙ୍କ ବିରୋଧରେ କାଯ୍ରା୍ୟନୁଷ୍ଟାନ ମଧ୍ୟ ନିଆଯିବ ବୋଲି ଡିସିପି କହିଛନ୍ତି ।
