ଭୁବନେଶ୍ୱର (ଏଟିଆର ବ୍ୟୁରୋ ) ; ଏସିଆ କପ ପାଇଁ ଘୋଷଣା ହେଲା ଭାରତୀୟ କ୍ରିକେଟ ଦଳ । ଏସିଆ କପ ପାଇଁ ଭାରତର ଅଧିନାୟକ ଦାୟିତ୍ୱ ନେବେ ରୋହିତ ଶର୍ମା । ଆଜି ଏଥିପାଇଁ ବିସିସିଆଇ ପକ୍ଷରୁ ୧୬ ଜଣିଆ ଟିମ ଘୋଷଣା କରାଯାଇଛି । ଏଥିରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କୁ ଦଳରୁ ବାଦ ଦିଆଯାଇ ବିଶ୍ରାମ ଦିଆଯାଇଛି ।
ଆସନ୍ତା ସେପ୍ଟେମ୍ବର ୧୫ ତାରିଖରୁ ଏସିଆ ଆରମ୍ଭ ହେଉଥିବା ବେଳେ ଏହି ଟୁର୍ଣ୍ଣାମେଣ୍ଟ ୟୁଏଇ ର ଦୁବାଇ ଓ ଆବୁଧାବିରେ ଖେଳାଯିବ ବୋଲି ଜଣା ପଡିଛି । ଟିମରେ ଦୁଇଜଣ ନୂଆ ଖେଳାଳି ଖଲିଲ ଅହମ୍ମଦ ଓ ଅକ୍ଷୟ ପଟେଲ ସାମିଲ ହୋଇଛନ୍ତି । ଏସିଆ କପରେ ଭାରତୀୟ ଟିମ ୧୮ ସେପେଟମ୍ବରରୁ ତାର ଅଭିଯାନ ଆରମ୍ଭ କରିବେ । ଏହାର ଗୋଟିଏ ଦିନ ପରେ ଅର୍ଥାତ ୧୯ ତାରିଖରେ ବହୁ ପ୍ରତିକ୍ଷୀତ ଭାରତ-ପାକିସ୍ତାନ ମ୍ୟାଚ ରହିଛି । ଟୁର୍ଣ୍ଣାମେଂଟର ଫାଇନାଲ ୨୮ ତାରିଖରେ ଖେଳାଯିବ ।
