ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡର ଆଗାମୀ ଫିଲ୍ମ ‘ପ୍ରେମ୍ କୁମାର’ର ଅଡିଓ ରିଲିଜ୍ ହୋଇଯାଇଛି । ଗତକାଲି ଏହି ଅଡିଓ ରିଲିଜ୍ ବେଳେ ପ୍ରେମକୁମାରର ସମ୍ପୂର୍ଣ୍ଣ ଟିମ୍ ସାମିଲ ଥିଲେ ।
ତରଙ୍ଗ ସିନେ ପ୍ରଡକ୍ସନରେ ପ୍ରସ୍ତୁତ ଏହି ଫିଲ୍ମ ର ନିର୍ଦ୍ଦେଶନା ଦେଇଛନ୍ତି ତାପସ ସରଘରିଆ । ଫିଲ୍ମଟି ଏକ ତ୍ରିକୋଣୀୟ ପ୍ରେମ କାହାଣୀ ଉପରେ ଆଧାରିତ । ଏଥିରେ ମୁଖ୍ୟ ଭୁମିକାରେ ଅନୁଭବ ମହାନ୍ତି ଏବଂ ତାଙ୍କ ବିପକ୍ଷରେ ଦୁଇଟି ନାୟିକା ଶିବାନୀ ଏବଂ ତମନ୍ନାଙ୍କୁ ଦେଖିବାକୁ ପାଇବେ ଦର୍ଶକ । ଏହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମ୍ ଆନନ୍ଦ । ଏଥିରେ ୬ଟି ଗୀତ ରହିଛି ।
ପ୍ରଥମ ଥର ଲାଗି ଅନୁଭବ ଏବଂ ଶିବାନୀଙ୍କୁ ପରଦାରେ ଦେଖିବାକୁ ପାଇବେ ଦର୍ଶକ । ଫିଲ୍ମଟି ଚଳିତ ଦୁର୍ଗା ପୂଜା ଅବସରରେ ପରଦାରେ ରିଲିଜ୍ ହେବ ।
