ମଧ୍ୟପ୍ରଦେଶ ( ଏଟିଆର ବ୍ୟୁରୋ) ; ମଧ୍ୟପ୍ରଦେଶର ଭୁମିହୀନ ଗରିବ ମାନଙ୍କ ଦିଲ୍ଲୀ ଅଭିମୁଖେ ବାହାରିଥିବା ଏକ ରାଲିକୁ ସହଯୋଗ କରିବା ପାଇଁ କଂଗ୍ରେସ ସଭାପତି ରାହୁଳ ଗାନ୍ଧୀ ଶନିବାର ଗୋଆଲିଅର ଠାରେ ପହଁଚିଛନ୍ତି ।
ରାହୁଳଙ୍କୁ ମଧ୍ୟପ୍ରଦେଶ କଂଗ୍ରେସ ଅଧକ୍ଷ କମଲନାଥ ,ନିର୍ବାଚନ ପ୍ରଚାର କମିଟି ମୁଖ୍ୟ ଜ୍ୟୋତିରାଦିତ୍ୟ ସିନ୍ଧିଆ ଏବଂ ପାର୍ଟିର ଅନ୍ୟ ନେତାମାନେ ସ୍ୱାଗତ କରିଛନ୍ତି ।
ରାହୁଳ ଗାନ୍ଧୀ ସମୟ ପ୍ରାୟ ୧୨.୩୦ରେ ଗୋଆଲିଅର ଠାରେ ପହଁଚିଛନ୍ତି । ସେଠାରୁ ସେ ହେଲିକାପ୍ଟର ଯୋଗେ ମୋରେନା ଜିଲ୍ଲା ଗସ୍ତ କରିଛନ୍ତି । ରାଜ୍ୟ କଂଗ୍ରେସର ଜଣେ ନେତାଙ୍କ ସୂଚନା ଅନୁଯାୟୀ ରାହୁଳ ମୋରେନା ଜିଲ୍ଲା ପାର୍ଟି ମୁଖ୍ୟାଳୟରେ କର୍ମି ମାନଙ୍କୁ ଊଦବୋଧନ ଦେବେ ।
ସୂଚନା ଅନୁଯାୟୀ, ଗତ ଗୁରୁବାର ଠାରୁ ରାଜ୍ୟର ଭୁମିହୀନ ଗରିବ ମାନେ ପାଦରେ ଚାଲି ଚାଲି ଦିଲ୍ଲୀ ଅଭିମୁଖେ ଆସୁଛନ୍ତି । ବର୍ତ୍ତମାନ ପର୍ଯ୍ୟନ୍ତ ସେମାନେ ପ୍ରାୟ ୩୬ କିଲୋମିଟର ବାଟ ଅତିକ୍ରମ କରିସାରିଲେଣି ।
