ବ୍ରହ୍ମଗିରି (ଏଟିଆର ବ୍ୟୁରୋ): ପିଲାମାନଙ୍କୁ ପାଠ ପଢାଇବା ଲାଗି ସବୁଦିନ ଭଳି ଆଜି ବି ରେଡି ହୋଇ ଭ୍ୟାନରେ ବସି ସ୍କୁଲକୁ ବାହାରିଥିଲେ ଶିକ୍ଷକ ଓ ଶିକ୍ଷୟତ୍ରୀ । ହେଲେ ପହଁଚି ପାରିନଥିଲେ ସ୍କୁଲରେ । ଅଧବାଟରେ ଭ୍ୟାନଟି ଭାରସାମ୍ୟ ହରାଇ ଓଲଟି ପଡିଥିଲା । ଘଟଣା ସ୍ଥଳରେ ଜଣେ ଶିକ୍ଷୟତ୍ରୀଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଗୁରୁତର ଭାବେ ଆହତ ହୋଇଛନ୍ତି । ସ୍ଥାନୀୟ ଲୋକଙ୍କ ସହାୟତାରେ ଆହତଙ୍କୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏଭଳି ଏକ ଘଟଣା ପୁରୀ-ସାତପଡା ଜଗନ୍ନାଥ ରୋଡରେ ଘଟିଛି ।
ଖବରମୁତାବକ, ଆଜି ସକାଳୁ ସକାଳୁ ବ୍ରହ୍ମଗିରି ଜାଭିୟର ସ୍କୁଲର ଏକ ଭ୍ୟାନ ପୁରୀରୁ ଶିକ୍ଷକ ଓ ଶିକ୍ଷୟତ୍ରୀଙ୍କୁ ନେଇ ସ୍କୁଲକୁ ଯାଉଥିବା ବେଳେ ଏହି ଅଘଟଣ ଘଟିଛି ।
