ଭୁବନେଶ୍ୱର ( ଏଟିଆର ବ୍ୟୁରୋ ) ; ଚଳିତ ମାସ ୧୫ ତାରିଖ ସୋମବାର ଦିନ ରାଜ୍ୟରୁ ପ୍ରକାଶ ପାଉଥିବା ଆଶା ଭରଷା ଖବର କାଗଜର ତୃତୀୟ ବାର୍ଷିକ ଉତ୍ସବ ଭୁବନେଶ୍ୱର ଜୟଦେବ ଭବନ ଠାରେ ଅନୁଷ୍ଠିତ ହୋଇଯାଇ ଅଛି । ଏହି ଉତ୍ସବରେ ମୁଖ୍ୟ ଅତିଥି ରୂପେ ସାଂସଦ ପ୍ରସନ୍ନ ପାଟଶାଣୀ ଏବଂ ସମ୍ମାନୀତ ଅତିଥି ରୂପେ ବିଶିଷ୍ଟ ଅଭିନେତା ମୁନ୍ନା ଖାଁ ଯୋଗ ଦେଇଥିଲେ । ଏହି ଉତ୍ସବକୁ ବିଧାୟକ ପ୍ରିୟଦର୍ଶୀ ମିଶ୍ର ଉଦଘାଟନ କରିଥିଲେ ।
ଉତ୍ସବର ମୁଖ୍ୟ ଆକର୍ଷଣ ଥିଲେ ଅପେରା ମିସେସ ଇଣ୍ଡିଆ ଗ୍ଲୋବାଲ-୨୦୧୮ର ବିଜୟୀନି ପୁପୁଲ ଭୁୟାଁ । ଏହି ଅବସରରେ ଅବିନାଶ ସାମାଜିକ ସଂଗଠନର ରୌପ୍ୟ ଜୟନ୍ତୀ ସ୍ମରଣୀକାକୁ ଡକ୍ଟର ଦେବୀ ପ୍ରସନ୍ନ ପଟ୍ଟନାୟ୍କ ଉନ୍ମୋଚନ କରି ସମାଜର ଅବହେଳିତ ମାନଙ୍କ ପାଇଁ କାମ କରୁଥିବା ଅନୁଷ୍ଠାନର କର୍ମକର୍ତ୍ତାମାନଙ୍କୁ ଧନ୍ୟବାଦ ସହ ସୁଭେଚ୍ଛା ଜଣାଇଥିଲେ ।
ଏହି ପରିପ୍ରେକ୍ଷିରେ ରାଜ୍ୟର ବିଭିନ୍ନ ବର୍ଗରେ ପ୍ରତିଷ୍ଠିତ ବ୍ୟକ୍ତିବିଶେଷ ଏବଂ ଛାତ୍ରଛାତ୍ରୀ ମାନଙ୍କୁ ସମ୍ମାନିତ କରାଯାଇଥିଲା । ପ୍ରାୟ ୨୫ ଜଣଙ୍କୁ ଦକ୍ଷତା ବିକାଶ ସମ୍ମାନ ଏବଂ ୨୫ ଜଣଙ୍କୁ ପ୍ରତିଭା ସମ୍ମାନରେ ସମ୍ମାନିତ କରାଯିବା ସଂଗେସଂଗେ ମାନପତ୍ର ଏବଂ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା ।
ଏହି ଉତ୍ସବରେ ରାଜ୍ୟର ପ୍ରମୁଖ ବ୍ୟକ୍ତିବିଶେଷମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସୂଚାରୂ ରୂପେ ସଫଳ କରିଥିଲେ । କାର୍ଯ୍ୟକ୍ରମର ପ୍ରାରମ୍ଭରେ ଆନନ୍ଦ ପଟ୍ଟନାୟକ ସଭାପତିତ୍ୱ କରିଥିବା ବେଳେ ଖବରକାଗଜର କାର୍ଯ୍ୟକାରୀ ସଂପାଦକ ପ୍ରକାଶ ଚନ୍ଦ୍ର ସାହୁ ବାର୍ଷିକ ବିବରଣୀ ପାଠ କରିଥିଲେ । ସଂଗୀତ ନିର୍ଦ୍ଦେଶକ ନାରାୟଣ ରଥ ଏବଂ ସାଥିଙ୍କ ଦ୍ୱାରା ପ୍ରାରମ୍ଭିକ ସଂଗୀତ ଗାନ କରାଯାଇଥିଲା ବେଳେ ଛୋଟ ପିଲା ମାନଙ୍କ ମନୋରଞ୍ଜନ ପାଇଁ ଯାଦୁଖେଳର ପ୍ରଦର୍ଶନୀ କରାଯାଇଥିଲା । ପରିଶେଷରେ ଖବରକାଗଜର ସଂପାଦକ ଅରବିନ୍ଦ ତ୍ରିପାଠୀ ଧନ୍ୟବାଦ ଅର୍ପଣ ପୂର୍ବକ ସଭାସାଙ୍ଗ କରିଥିଲେ ।
