ବ୍ରହ୍ମପୁର (ଏଟିଆର ବ୍ୟୁରୋ ) ; ଭରା ପବ୍ଲିକ ଆଗରେ ଆତ୍ମହତ୍ୟା ଉଦ୍ୟମ କଲେ ଯୁବକ । ନିଜ ବେକକୁ ଏକ ବ୍ଲେଡ ସାହାର୍ଯ୍ୟ ରେ କାଟିଦେଲେ ଯୁବକ । ତେବେ ରକ୍ତ ଜୁଡୁ ବୁଡୁ ଅବସ୍ତାରେ ଯୁବକଜଣକୁ ଡାକ୍ତରଖାନରେ ଭର୍ତ୍ତି କରାଯାଇଛି । ଏଭଳି ଅଭାବନୀୟ ଘଟଣା ବ୍ରହ୍ମପୁର ରେଳ ଷ୍ଟେସନରେ ଘଟିଛି । ଅତ୍ମହତ୍ୟା ପଛର ଉଦ୍ଦେଶ୍ୟ କଣ ଜଣାପଡିନଥିବା ବେଳେ ଏହି ଘଟଣା ସ୍ଥାନୀୟ ଅଞ୍ଚଳରେ ଚଞ୍ଚଲ୍ୟ ଖେଳାଇ ଦେଇଛି । ଯୁବକ ଜଣକ ଗଞ୍ଜାମ ଜିଲ୍ଲା ଆସ୍କା ବ୍ଲକ ସିନ୍ଧ ପଞ୍ଚାୟତ ମହାରାଜ ଗ୍ରାମର ଟୁଙ୍ଗୁର ବେହେରା ବୋଲି ଜଣାପଡିଛି ।
ସୂଚନା ଅନୁସାରେ , ଟୁଙ୍ଗୁର ଦୀର୍ଘଦିନ ହେବ ସୁଦୂର ସୁରାଟରେ ଦାଦନ ଖଟି ଆସୁଥିଲେ । ସେ ଆଜି ଟ୍ରେନ ଯୋଗେ ଆସି ବ୍ରହ୍ମପୁର ରେଳ ଷ୍ଟେସନରେ ପହଞ୍ଚିଥିଲେ । ତେବେ ସେ କିଛି ସମୟ ପରେ ହଠାତ ନିଜ ବ୍ୟାଗରୁ ଏକ ଧାରୁଆ ବ୍ଲେଡ କାଢି ସର୍ବସାଧାରଣ ଆଗରେ ନିଜ ବେକକୁ କାଟିଦେଇଥିଲେ । ଏହାପରେ ତାଙ୍କ ବେକରୁ ରକ୍ତଶ୍ରାବ ହୋଇଥିଲା । ଏହାଦେଖି ଷ୍ଟେସନ କତ୍ତୃପକ୍ଷ ଆମ୍ବୁଲାନ୍ସକୁ ଫୋନ କରିଥିଲେ । ଏହାପରେ ଟୁଙ୍ଗୁରଙ୍କୁ ଗୁରୁତର ଅବସ୍ତାରେ ଡାକ୍ତରଖାନରେ ଭର୍ତ୍ତି କରାଯଇଛି । ସେପଟେ ଅତ୍ମହତ୍ୟା ଉଦ୍ୟମର କାରଣ ଏଯାଏଁ ଜଣା ପଡିନାହିଁ । କିଛି ପାରିବାରିକ କଳହ ଯୋଗୁ ଚିନ୍ତାଗ୍ରସ୍ତ ହୋଇ ଟୁଙ୍ଗୁର ଏପରି ଆତ୍ମ ହତ୍ୟା ଉଦ୍ୟମ କରିଥିବାର ଅନୁମାନ କରାଯାଉଛି । ବର୍ତ୍ତମାନ ଡାକ୍ତରଖାନରେ ଚିକିତ୍ସାଧିନ ଅବସ୍ତାରେ ଟୁଙ୍ଗୁର ରହିଛନ୍ତି ।
