ଭୁବନେଶ୍ଵର,୮ ।୨/(ବ୍ୟୁରୋ) : କାହିଁକି କାହାକୁ ଡରିବେ ? ଦିନ ଦି ପହରରେ କିଏ ବା ଅଟକାଇ ଏତେ ଖୋଳତାଡ କରିବ ? ଏମିତି ଶହଶହ କଳା ବେପାର ହେଉଛି ନା ? ଏହିଭଳି କିଛି ମାନସିକତା ରଖି ଗୋଟିଏ ବାଇକରେ ଗଞ୍ଜେଇ ବସ୍ତା ଧରି ଯାଉଥିବା ଦୁଇ ଅଭିଯୁକ୍ତଙ୍କୁ ଆଜି ମାଡିବସିଛି ଧଉଳୀ ଥାନା ପୋଲିସ ।
ଆଜି ଅପରାହ୍ନରେ ଉତ୍ତରାଛକରୁ ଗଞ୍ଜେଇବସ୍ତା ଧରି ଭୁବନେଶ୍ଵର ଆସୁଥିବା ସମୟରେ ଧଉଳୀ ଛକ ପାଖରେ ପୋଲିସ ଦୁଇ ବେପାରୀଙ୍କୁ କାବୁ କରିନେଇଛି । ସେମାନଙ୍କ ଠାରୁ ପୋଲିସ ୩୮ କେଜି ଗଞ୍ଜେଇ ଜବତ କରିଛି ।
ଧରାପଡିଥିବା ଦୁଇ ଯୁବକଙ୍କୁ ଗୁରୁବାର ଧଉଳୀ ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଥିବା କହିଛି । ଅଭିଯୁକ୍ତମାନେ ହେଲେ ରାଜକୁମାର ଠାକୁରୀ ଓ ନିରଞ୍ଜନ ମହାନ୍ତି । ପୋଲିସର ଏହି ଦି ପହରା ଚଢଉରେ ଅଭିଯୁକ୍ତ ଦ୍ୱୟ ଖସିଯିବାକୁ ଚେଷ୍ଟା କରୁଥିବା ବେଳେ ପୋଲିସ ସେମାନଙ୍କୁ କାବୁ କରିନେଇଥିବା କହିଛି ।
