ଭୁବନେଶ୍ୱର (ଏଟିଆର ବ୍ୟୁରୋ): ବଲିଉଡର ନୀଳନୟନା ମାନେ ଐଶ୍ଚର୍ଯ୍ୟା ରାୟ ବଚ୍ଚନ ଆଜି ତାଙ୍କର ୪୫ତମ ଜନ୍ମଦିବସ ପାଳନ କରୁଛନ୍ତି । ଏହି ଅବସରରେ ବିଭିନ୍ନ ମହଲରୁ ଫ୍ୟାନ୍ସମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏହାସହିତ ଐଶ୍ଚର୍ଯ୍ୟା ତାଙ୍କ ଇଂଷ୍ଟାଗ୍ରାମ ଅକାଉଣ୍ଟରେ କିଛି ଫଟୋ ସେୟାର କରିଛନ୍ତି । ଯେଉଁଥିରେ ଅଭିଶେକ୍ ବଚ୍ଚନ, ଆରାଧ୍ୟା ଏବଂ ପରିବାରର ଅନ୍ୟ ସଦସ୍ୟଙ୍କୁ ଦେଖିବାକୁ ମିଳିଛି ।
ଆଜି ସକାଳୁ ଐଶ୍ଚର୍ଯ୍ୟା ତାଙ୍କ ପତି ଅଭିଶେକ୍ ବଚ୍ଚନ ଏବଂ ଝିଅ ଆରାଧ୍ୟଙ୍କ ସହ ମିଶି ଗୋଆରେ ପହଁଚିଥିଲେ । ସେଠାରୁ ସେ ଏକ କ୍ୟୁଟ୍ ସେଲ୍ଫି ମଧ୍ୟ ପୋଷ୍ଟ କରିଛନ୍ତି । ଅନ୍ୟପଟେ ଅଭିଶେକ୍ ମଧ୍ୟ ସୋଶାଲ ମିଡିଆରେ ଏକ ସୁନ୍ଦର ଫଟୋ ସେୟାର କରି ଐଶ୍ଚର୍ଯ୍ୟାଙ୍କୁ ଜନ୍ମ ଦିନର ଶୁଭେଚ୍ଛା ଜଣାଇଛନ୍ତି ।
ଐଶ୍ଚର୍ଯ୍ୟା ବଲିଉଡ ଇଣ୍ଡଷ୍ଟ୍ରିରେ ୨୧ ବର୍ଷ ବିତାଇଛନ୍ତି । ହୁଏତ ସେ ଆଜିକାଲି ଇଣ୍ଡଷ୍ଟ୍ରିରୁ ଦୂରେଇ ଅଛନ୍ତି । କିନ୍ତୁ ଆଜି ବି ସେ ଫ୍ୟାନ୍ସ ମାନଙ୍କ ପାଇଁ ସୁପରଷ୍ଟାର । ସେ ଦର୍ଶକଙ୍କୁ ହିଟ୍ ଫିଲ୍ମ ଭେଟି ଦେଇଛନ୍ତି ।
