ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମଫ୍ରାଇଡେରେ ରିଲିଜ ହୋଇଛି ସୁଶାନ୍ତ ସିଂ ରାଜପୁତ ଓ ସାରା ଅଲ୍ଲୀ ଖାନ ଙ୍କ ଅଭିନୀତ ଫିଲ୍ମ କେଦାରନାଥ । ଫିଲ୍ମଟି ସୁଟିଂ ସମୟରୁ ହିଁ ବେଶ୍ ଚର୍ଚ୍ଚାରେ ରହିଆସିଛି । ଏକ ମୁସଲମାନ ପୁଅ ଓ ହିନ୍ଦୁ ଝିଅଙ୍କ ପ୍ରେମ କାହାଣୀ ଉପରେ ଆଧାରିତ ହୋଇଛି ଏହି ଫିଲ୍ମଟି ।
୨୦୧୩ରେ କେଦାରନାଥରେ ଆସିଥିବା ଭୟଙ୍କର ବନ୍ୟା ସହ ଫିଲ୍ମର କାହାଣୀକୁ ଯୋଡା ଯାଇଛି । ଫିଲ୍ମର ଟ୍ୟାଗଲାଇନଟି ଲଭ୍ ଇଜ୍ ପିଲିଗ୍ରିମ (ପ୍ରେମ ଏକ ତୀର୍ଥଯାତ୍ରା) ରହିଛି । ତେବେ ଏହି ଫିଲ୍ମର କାହାଣୀଟି ଲଭ୍ ଜିହାଦକୁ ପ୍ରଶୟ ଦେଉଥିବା ପୂର୍ବରୁ ଅଭିଯୋଗ ରହିଛି । ଫିଲ୍ମରେ ସେଭଳି କିଛି ନାହିଁ ବୋଲି ସ୍ପଷ୍ଟିକରଣ ରଖିଛି ପ୍ରଡକ୍ସନ ହାଉସ ।
ସିନେମାର ଗୀତ ଗୁଡିକ ବେଶ୍ ପସନ୍ଦ ଆସିଛି ।ଏପରକି ଲୋକେସନ ଏବଂ ସୁଶାନ୍ତ ଓ ସାରାଙ୍କ କେମଷ୍ଟ୍ରିକୁ ଦର୍ଶକ ପସନ୍ଦ କରିଛନ୍ତି ।
କେଦାରନାଥ ହେଉଛି , ୪୫ କୋଟି ବଜେଟରେ ନିର୍ମାଣ କରାଯାଇଥିବା ଏଭଳି ଏକ ବଲିଉଡ ଫିଲ୍ମ ଯାହା ସାରା ଭାରତର ୨୦୦୦ସ୍କ୍ରିନ ରେ ରିଲିଜ୍ କରାଯାଇଛି ଏବଂ ସେନ୍ସସର ବୋର୍ଡ ବି ଏହି ଫିଲ୍ମକୁ ୟୁ/ଏ ସାର୍ଟିଫିକେଟ ଦେଇଛି ।
