ଯାଜପୁର ରୋଡ,(ଏଟିଆର ବ୍ୟୁରୋ): ଢ଼େରଦିନ ହେବ ଚାଲିଥିବା ଏକ ଜୁଆ ଆଡ୍ଡା ଉପରେ ଶେଷରେ ଚଢ଼ାଉ କରିଛି ପୁଲିିସ । ଘଟଣାରେ ସମ୍ପୃକ୍ତ ୧୪ଜଣଙ୍କୁ ଗିରଫ କରିବା ସହ ସେମାନଙ୍କ ପାଖରୁ ନଗଦ ୨ଲକ୍ଷ ଟଙ୍କା ଜବତ କରାଯାଇଛି । କେବଳ ଏତିକି ନୁହେଁ ଏକ କାର ସମେତ ୯ଟି ବାଇକୁ ମଧ୍ୟ ପୁଲିସ ଥାନାକୁ ଆଣିଛି ।
ମିଳିଥିବା ରିପୋର୍ଟ ଅନୁସାରେ, କଳିଙ୍ଗନଗର ବାରାହାଗାଡିଆ ନିକଟରେ ହରଦମ ଜୁଆ ଖେଳ ଚାଲୁଥିବା ଅଭିଯୋଗ ହେଉଥିଲା । ଯାହା ଉପରେ ନଜର ରଖିଥିଲା ପୁଲିସ । ତେବେ ଗୁରୁବାର ରାତିରେ ଜୁଆ ଖେଳ ଜୋରଦାର ଚାଲିଥିବା ବେଳେ ଅଚାନକ କଳିଙ୍ଗନଗର ପୁଲିସ ସେଠାରେ ଚଢ଼ାଉ କରିଥିଲା । ପୁଲିସର ଅଚାନକ ଚଢ଼ାଉରେ ଯଦିଓ କେତେକ ଫେରାର ହୋଇଯାଇଥିଲେ କିନ୍ତୁ ୧୪ଜଣ ଜୁଆଡିଙ୍କୁ ଧରିବାରେ ପୁଲିସ ସକ୍ଷମ ହୋଇଛି । ପୁଲିସର ଏଭଳି ଚଢ଼ାଉକୁ ସ୍ଥାନୀୟ ଲୋକେ ବେଶ ପ୍ରଶଂସା କରିଛନ୍ତି । ହରଦମ ଏହି ଅପରେସନ ଜାରି ରଖିବାକୁ ଲୋକେ ପ୍ରଶାସନକୁ ଅନୁରୋଧ କରିଛନ୍ତି ।
