ମେଲବର୍ଣ୍ଣ (ଏଟିଆର ବ୍ୟୁରୋ); ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ବିଜୟ ପରେ ଇତିହାସ ରଚିଛି ଭାରତୀୟ କ୍ରିକେଟ ଦଳ । ଏହି ବିଜୟ ଫଳରେ ଭାରତୀୟ ଦଳ ଟେଷ୍ଟ ଫର୍ମାଟରେ ୧୫୦ଟି ମ୍ୟାଚ ଜିତିଛି । ଭାରତ ୫୩୨ଟି ମ୍ୟାଚ ଖେଳି ଏହି ରେକର୍ଡ କରିଛି । ତେବେ ଏହି ୧୫୦ ମ୍ୟାଚ ବିଜୟ କ୍ଳବରେ ଭାରତ ୫ମ ସ୍ଥାନରେ ରହିଛି । ଅଷ୍ଟ୍ରେଲିଆ ସର୍ବାଧିକ ୩୮୪ଟି ମ୍ୟାଚ ଜିତି ଶିର୍ଷରେ ରହିଛି । ଅଷ୍ଟ୍ରେଲିଆ ପଛକୁ ଇଂଲଣ୍ଡ ୩୬୪,ୱେଷ୍ଟଇଣ୍ଡିଜ ୧୭୧ ଏବଂ ଦକ୍ଷିଣ ଆଫ୍ରିକା ୧୬୨ଟି ମ୍ୟାଚ ଜିତିଛନ୍ତି ।
ମେଲବର୍ଣ୍ଣ ଟେଷ୍ଟ ଜିତିବା ପରେ ଭାରତ ମେଲବର୍ଣ୍ଣରେ ମାତ୍ର ୩ଟି ବିଜୟ ହାସଲ କରିଛି । ସେପଟେ ଏହି ମ୍ୟାଚ ବିଜୟ ପରେ ବିରାଟ ମଧ୍ୟ ଗାଙ୍ଗୁଲିଙ୍କ ରେକର୍ଡ ସମକକ୍ଷ ହୋଇଛନ୍ତି । ବିଦେଶରେ ମ୍ୟାଚ ଜିତିବାରେ ରେକର୍ଡ କରିଛନ୍ତି ବିରାଟ । ୪ ଟେଷ୍ଟ ମ୍ୟାଚ ବିଶିଷ୍ଟ ସିରିଜରେ ଭାରତ ଏହି ମ୍ୟାଚ ବିଜୟ ପରେ ଭାରତ ୨-୧ରେ ଆଗୁଆ ରହିଛି ।
