ମୁମ୍ବାଇ (ଏଟିଆର ବ୍ୟୁରୋ): କ୍ରିକେଟର ରୋହିତ ଶର୍ମାଙ୍କ ପାଇଁ ଦୁଇ ଦୁଇଟି ଖୁସି ଖବର । ଗୋଟେ ପଟେ ମେଲବର୍ଣ୍ଣରେ ଅଷ୍ଟ୍ରେଲିଆକୁ ଟିମ୍ ଇଣ୍ଡିଆ ହରାଇ ବିଜୟଲାଭ କରିଥିବାର ଖୁସି ଅନ୍ୟପଟେ ରୋହିତଙ୍କ ଘରେ କୁନି ବେବିର ଆଗମନ । ଆଜ୍ଞା ହଁ ରୋହିତଙ୍କ ପତ୍ନୀ ରିତିକା ଏକ ବେବି ଗର୍ଲ ଜନ୍ମ ଦେଇଛନ୍ତି ।
ରୋହିତ ମ୍ୟାଚ୍ ପାଇଁ ଅଷ୍ଟ୍ରେଲିଆରେ ଥିଲେ କିନ୍ତୁ ଝିଅ ହେବା ଖବର ଶୁଣିବା ପରେ ଖୁସିରେ ଭାରତ ଫେରୁଛନ୍ତି । ରୋହିତଙ୍କ ଝିଅ ଜନ୍ମ ହେବାକୁ ନେଇ ରିତିକାଙ୍କ କଜିନ୍ ଏନେଇ ତାଙ୍କ ସୋସିଆଲ ମିଡିଆ ଆକାଣ୍ଟରେ ଜଣାଇଥିଲେ । ସେ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ରିତିକାଙ୍କ ଫଟୋ ସେୟାର କରି ଲେଖିଥିଲେ କି , ମୁଁ ମାଉସୀ ହୋଇଗଲି । ଏହାସହିତ ରିତିକା ଏକ ବେବି ଗର୍ଲ ଜନ୍ମ ଦେଇଛନ୍ତି ବୋଲି ଜଣାଇଥିଲେ ।
ଏକ ଇଭେଣ୍ଟ ଜରିଆରେ ରୋହିତ ଏବଂ ରିତିକାଙ୍କର ଦେଖାହୋଇଥିଲା । ଏହାପରେ ଦୁହେଁ ଦୁହିଁଙ୍କ ପସନ୍ଦ କରିବାକୁ ଲାଗିଲେ । ପାଖାପାଖି ୬ ବର୍ଷ ଡେଟିଙ୍ଗ କଲା ପରେ ଯାଇ ୨୦୧୫ରେ ବିବାହ ବନ୍ଧନରେ ବାନ୍ଧି ହେଲେ ।
