ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଏବଂ ଅଭିନେତ୍ରୀ ଭୂମି ପେଡନେକରଙ୍କ ଫିଲ୍ମ ‘ସୋନ ଚିଡିୟା’ର ଟ୍ରେଲର ରିଲିଜ୍ ହୋଇଯାଇଛି । ୨ ମିନିଟ୍ ୪୩ ସେକେଣ୍ଡର ଏହି ଟ୍ରେଲରରେ ଚମ୍ବଲର କାହାଣୀ ଦେଖିବାକୁ ମିଳିଛି । ଏହାସହିତ ଏଥିରେ ଜବରଦସ୍ତ ଡାଏଲଗ୍ସ ମଧ୍ୟ ଶୁଣିବାକୁ ମିଳିଛି ।
ଏହି ଫିଲ୍ମରେ ସୁଶାନ୍ତ ସିଂ ରାଜପୁତ ଏବଂ ମନୋଜ ବାଜପେୟୀ ଚମ୍ବଲର ଡାକୟତି ଭୂମିକାରେ ନଜର ଆସିଛନ୍ତି । ଏମାନଙ୍କ ବ୍ୟତିତ ଏଥିରେ ଅଭିନେତ୍ରୀ ଭୂମି ପେଡନେକରଙ୍କର ଗୁରୁତ୍ୱପୂଣ୍ଣ ଭୂମିକା ମଧ୍ୟ ରହିଛି । ଏଥିରେ ପୁଲିସ୍ ଇନସପେକ୍ଟର ହୋଇଛନ୍ତି ଆଶୁତୋଷ ରାଣା । ଫିଲ୍ମଟି ୧୯୭୫ରେ ହୋଇଥିବା ଇମରଜେନ୍ସି ବ୍ୟାକଗ୍ରାଉଣ୍ଡ ଉପରେ ନିର୍ମାଣ କରାଯାଇଛି ।
ଫିଲ୍ମର ଟ୍ୟାଗଲାଇନ୍ ରହିଛି ବ୍ୟାରି ବେଇମାନ ବାଗୀ ସାବଧାନ । ଫିଲ୍ମର ନିର୍ଦ୍ଦେଶନା ଅଭିଶେକ ଚୌବେ ଦେଇଥିବା ବେଳେ ପ୍ରଯୋଜନା ଦାୟିତ୍ୱରେ ଅଛନ୍ତି ରୋନୀ ସ୍କୃୱାଲା । ଫିଲ୍ମରେ ଚମ୍ବଲର ଡାକୟତ ମାନ ସିଂ ଗ୍ୟାଙ୍ଗର କାହାଣୀ ପରଦାରେ ଦର୍ଶାଯାଇଛି ।
ଟ୍ରେଲରରେ ସୂଶାନ୍ତ ସିଂ ଡାକୁ ଭୂମିକାରେ ନଜର ଆସିଛନ୍ତି । ତାଙ୍କର ଏଭଳି ଲୁକ୍ ପୂର୍ବରୁ କେବେ ଦେଖିବାକୁ ମିଳିନଥିଲା । ଫିଲ୍ମଟି ପେବୃଆରୀ ୮,୨୦୧୯ ରେ ପରଦାରେ ମୁକ୍ତିଲାଭ କରିବ । ଯାହାକୁ ଦେଖିବା ପାଇଁ ଦର୍ଶକ ଅପେକ୍ଷା କରି ରହିଛନ୍ତି
