ସିଡନୀ (ଏଟିଆର ବ୍ୟୁରୋ); କଙ୍ଗାରୁ ବୋଲରଙ୍କ ଆଗରେ ଫେଲ ମାରିଲା ବିରାଟ ବାହିନୀ । ଘରୋଇ ଅଷ୍ଟ୍ରେଲିଆ ଦଳ ଭ୍ରମଣକାରୀ ଭାରତକୁ ୩୪ ରନରେ ପରାସ୍ତ କରିଛି । ରୋହିତ ଶର୍ମାଙ୍କ ଶତକ ବେକାର ପଡିଛି । ଏକାକି ଦଳ ପାଇଁ ଲଢ଼ିଥିଲେ ମଧ୍ୟ ଶେଷରେ ଦଳ ପରାଜୟ ବରଣ କରିଛି । ୩ଟି ଦିନିକିଆ ବିଶିଷ୍ଟ ସିରିଜରେ ଅଷ୍ଟ୍ରେଲିଆ ୧-୦ରେ ଆଗୁଆ ରହିଛି । ଆଗାମୀ ଦୁଇଟି ମ୍ୟାଚ ଭାରତ ପାଇଁ ଗୁରୁତ୍ୱପୂର୍ଣ୍ଣ ରହିଛି । ଦୁଇଟି ମ୍ୟାଚରୁ ୨ ଟି ଜିତିଲେ ଭାରତ ସିରିଜ ବିଜୟ ହୋଇ ପାରିବ । ନଚେତ ଟେଷ୍ଟର ସିରିଜ ପରାଜୟର ପ୍ରତିଶୋଧ ଦେବ କଙ୍ଗାରୁ ବାହିନୀ ।
ଭାରତ ଟସ ଜିତି ବୋଲିଂ କରିବାର ନିଷ୍ପତି ନେଇଥିଲା । ସେପଟେ ପ୍ରଥମେ ବ୍ୟାଟିଂ କରି କଙ୍ଗାରୁ ବାହିନୀ ୫ ଟି ୱିକେଟ ହରାଇ ୨୮୮ ରନ କରିବାରେ ସକ୍ଷମ ହୋଇଥିଲା । ଏହି ସ୍କୋରକୁ ପିଛା କରିବାକୁ ଯାଇ ଭାରତ ୨୫୪ ରନ କରି ୯ଟି ୱିକେଟ ହରାଇଥିଲା । ଫଳରେ ୩୪ ରନରେ ଭାରତ ପରାଜୟ ବରଣ କରିଛି । ଭାରତୀୟ ଦଳ ପକ୍ଷରୁ ରୋହିତ ଶର୍ମା ୧୩୩ ରନ କରିଥିବା ବେଳେ ଧୋନୀ ୫୧ ରନ କରିବାରେ ସଫଳ ହୋଇଥିଲେ । ତେବେ ବାକି କୌଣସି ଖେଳାଳି ଭଲ ପ୍ରଦର୍ଶନ କରିନଥିଲେ । ଫଳରେ ଦଳ ପରାଜୟ ସ୍ୱିକାର କରିଛି । ସେପଟେ କଙ୍ଗାରୁ ଦଳ ପକ୍ଷରୁ ରିଚାର୍ଡସନ ୪ଟି ୱିକେଟ ନେଇଥିବା ବେଳେ ଷ୍ଟୋଇନିସ ୨ଟି,ବେହରନୁଫ ୨ଟି ଏବଂ ପିଟର ସିଡଲୀ ଗୋଟିଏ ୱିକେଟ ନେଇ ଅଷ୍ଟ୍ରେଲିଆକୁ ବିଜୟ କରାଇଛନ୍ତି ।
