ମୁମ୍ବାଇ (ଏଟିଆର ବ୍ୟୁରୋ): ଏବେ ଇଣ୍ଡଷ୍ଟ୍ରି ମୁହାଁ ହେଉଛନ୍ତି ସେଲିବ୍ରିଟିଙ୍କ ଲାଡଲୀ । ପ୍ରଥମେ ବୋନୀ କପୁର ଏବଂ ଶ୍ରୀଦେବୀଙ୍କ ଝିଅ ଜାହ୍ନବୀ ପରେ ସୈଫ ଏବଂ ଅମୃତା ସିଂଙ୍କ ଝିଅ ସାରା ଅଲ୍ଲୀ ଖାଁ ପୁଣି ଏବେ ଅମୀର ଖାଁଙ୍କ ଝିଅ ଈରା ଖାଁ ବହୁତ ଶୀଘ୍ର ବଲିଉଡରେ ପାଦ ଥାପିବେ ବୋଲି ଶୁଣିବାକୁ ମିଳୁଛି । ଆଜିକାଲି ଈରା ପ୍ରାୟତଃ ଅନେକ ସମୟ ଜିମ୍ ରେ ବିତାଉଛନ୍ତି । ସେ ତାଙ୍କ ଫିଟସେନ୍ ଉପରେ ଧ୍ୟାନ ରଖିଛନ୍ତି ।
ବଲିଉଡର ଗଳି କନ୍ଦିରୁ ଶୁଣିବାକୁ ମିଳୁଛି ଯେ, ଅମୀରଙ୍କ ଝିଅ ଈରା ବଲିଉଡରେ ଏଣ୍ଟ୍ରି କରିବେ ବୋଲି ଭାବିଛନ୍ତି । ସେଥିପାଇଁ ସେ ନିଜକୁ ଟ୍ରେଣ୍ଡ ବି କରୁଛନ୍ତି । କେବଳ ଏତିକି ନୁହେଁ ଆଜିକାଲି ତାଙ୍କ ଫିଲ୍ମ କଳାକାରଙ୍କ ସହ ଦେଖିବାକୁ ମିଳୁଛି । ନିକଟରେ ସେ ତାଙ୍କ ପିତାଙ୍କ ସହ ମୁମ୍ବାଇ ମାର୍କେଟରେ ସ୍ପଟ ହୋଇଥିଲେ ।
ଖବରମୁତାବକ, ଅମୀରଙ୍କ ଝିଅ ଈରାଙ୍କ ଜନ୍ମ ୧୯୯୭ ମୁମ୍ବାଇରେ ହୋଇଥିଲା । ଈରା ପେଂଟିଙ୍ଗ କରିବାରେ ମାହିର୍ । ସେ ଅନେକ ସୁନ୍ଦର ପେଂଟିଙ୍ଗ ମଧ୍ୟ ତିଆରି କରିଛନ୍ତି ।
