ଚଣ୍ଡିଖୋଲ(ଏଟିଆର ବ୍ୟୁରୋ): ରାସ୍ତା ଉପରେ ଜଳିଗଲା ଟ୍ରକ । ଚଣ୍ଡିଖୋଲ-ଡୁବୁରୀ ରାସ୍ତାରେ ଘଟିଛି ଏଭଳି ଅଭାବନୀୟ ଘଟଣା । ଯଦିଓ ନିଆଁ ଲାଗିବାର କାରଣ କିଛି ସ୍ପଷ୍ଟ ହୋଇନାହିଁ ତଥାପି ସଟସର୍କିଟ ଯୋଗୁ ଏଭଳି ଘଟିଥାଇପାରେ ବୋଲି ଶୁଣିବାକୁ ମିଳୁଛି ।
ସେପଟେ ନିଆଁ ଲାଗିବାର ଖବର ପାଇ ଅଗ୍ନିଶମ ବିଭାଗର କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ମିଳିଥିବା ରିପୋର୍ଟ ଅନୁସାରେ, ଟ୍ରକ ମାଲିକ ଜଣଙ୍କ ଆଜି ଟ୍ରକଟିକୁ ବିକ୍ରି କରିବା ଲକ୍ଷ୍ୟରେ ଆସିଥିଲେ । ଟ୍ରକକୁ କିଣିବାକୁ ଚାହୁଁଥିବା ଲୋକ ଗାଡିଟିକୁ ବ୍ରାହ୍ମଣୀ ପୋଲ ଉପରକୁ ଆଣିବାକୁ କହିଥିଲେ । ସେଠାରେ ଟ୍ରକକୁ ରଖି ମାଲିକ କଥା ବାର୍ତ୍ତା ହେଉଥିବା ବେଳେ ଅଚାନକ ଗାଡିଟି ଜଳିବାକୁ ଲାଗିଥିଲା । ସ୍ଥାନୀୟ ଲୋକେ ଭୟଭିତ ହୋଇପଡିଥିଲେ । ନିଆଁ ଲାଗିବା ଯୋଗୁ ଢ଼େର ସମୟ ରାସ୍ତାରେ ଟ୍ରାଫିକ୍ ସମସ୍ୟା ଦେଖାଦେଇଥିଲା ।
