ମୁମ୍ବାଇ (ଏଟିଆର ବ୍ୟୁରୋ): ଆମେରିକାରେ କିଛି ଦିନ ପୂର୍ବେ ପ୍ରିୟଙ୍କା ଚୋପ୍ରା ଏବଂ ନିକ୍ ଜୋନସ ଦୁହେଁ ତାଙ୍କ ବାହାଘରର ରିସେପସନ୍ ପାର୍ଟି ଦେଇଥିଲେ । ରିସେପସନ୍ ର କିଛି ସୁନ୍ଦର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏବେ ପୁଣି ପ୍ରିୟଙ୍କା ଏକ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ।
ଏହି ଫଟୋରେ ନିକ୍ ଙ୍କ ଛାତିରେ ପ୍ରିୟଙ୍କା ମୁଣ୍ଡ ରଖି ଶୋଇଥିବାର ନଜର ଆସିଛନ୍ତି । ଫଟୋର କ୍ୟାପସନ୍ ରେ ଲେଖିଛନ୍ତି କି ‘ହୋମ୍’ । ଏଭଳି ସୁନ୍ଦର ଫଟୋ ଦେଖିଲା ପରେ ବି ୟୁଜର୍ସଙ୍କୁ ଶାନ୍ତି ମିଳିନା ନାହିଁ ଯେ ସେମାନେ ପ୍ରିୟଙ୍କାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଥିଲେ ।
ଅଧିକାଂଶ ୟୁଜର୍ସଙ୍କ ମତରେ ସେଲିବ୍ରିଟିଙ୍କ ଏଭଳି ପ୍ରାଇଭେଟ୍ ଫଟୋ ଉଠାଇଛି କିଏ । ଏହାପରେ ଜଣେ ୟୁଜର୍ସ ଲେଖିଛନ୍ତି କି, ‘କ’ଣ ଆପଣ ବେଡରୁମ୍ ରେ ଫଟୋଗ୍ରାଫର ଲୁଚାଇ ରଖିଛନ୍ତି ।’ ସେହିପରି ଅନ୍ୟଜଣେ ୟୁଜର୍ସ ଲେଖିଛନ୍ତି କି , ‘ ବୋଧ ହୁଏ ଏହି ଫଟୋ ପ୍ରିୟଙ୍କାଙ୍କ ମା’ ଉଠାଇଛନ୍ତି ।’
ଖବରମୁତାବକ, ପ୍ରିୟଙ୍କା ଏବଂ ନିକ୍ ଏବେ କାର୍ଲିଫର୍ଣ୍ଣିଆରେ ଛୁଟି କଟାଉଥିବାର କିଛି ଫଟୋ ସାମ୍ନାକୁ ଆସିଥିଲା । ଦୁହେଁ ନିଜର ପରିବାର ଏବଂ ବନ୍ଧୁଙ୍କ ସହ ଛୁଟି ଉପଭୋଗ କରୁଥିବାର ନଜର ଆସିଥିଲେ । ବାହାଘର ପରେ ପରିବାର ସହ ପ୍ରିୟଙ୍କାଙ୍କର ଦ୍ୱିତୀୟ ଭ୍ୟାକେସନ ଥିଲା । ଗତ ମାସରେ ବି ପ୍ରିୟଙ୍କା ତାଙ୍କ ଶାଶୁ ଘର ସଦସ୍ୟଙ୍କ ସହ ସୁଇଜରଲ୍ୟାଣ୍ଡ ବୁଲିବାକୁ ଯାଇଥିଲେ । ସେଠାରେ ସେମାନେ ନୂଆ ବର୍ଷ ପାଳନ କରିଥିଲେ ।
