ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତ୍ରୀ ସମିତା ସେଟ୍ଟୀ ହୁଏତ ଏବେ ବଲିଉଡରୁ ଦୁରେଇ ଅଛନ୍ତି, କିନ୍ତୁ ତାଙ୍କର ଫ୍ୟାନ ଫଲୋଇଙ୍ଗ ଆଜି ବି ସେମିତି ରହିଛି । ସେ ଏବେ ରୋହିତ୍ ସେଟ୍ଟୀଙ୍କ ରିଏଲିଟି ସୋ’ ‘ଖତରୋଂ କେ ଖିଲାଡୀ’ କୁ ନେଇ ଚର୍ଚ୍ଚାରେ ଅଛନ୍ତି । ସେ ଏହି ସୋ’ର ପ୍ରତିଯୋଗୀ ଅଛନ୍ତି । କିନ୍ତୁ ଏବେ ତାଙ୍କ ଫ୍ୟାନ୍ସଙ୍କ ରାଗର ଶିକାର ହେବାକୁ ପଡିଛି ।
ଆଜ୍ଞା ହଁ ନିକଟରେ ମୁମ୍ବାଇରେ ସମିତା ସ୍ପଟ୍ ହୋଇଥିଲେ । ସେଠାରେ ତାଙ୍କୁ ଦେଖିବା ପାଇଁ ଦର୍ଶକଙ୍କ ଭିଡ ଜମିଥିଲା । ଏହାସହିତ ସମିତାଙ୍କ ଫ୍ୟାନ୍ସମାନେ ତାଙ୍କ ସହିତ ସେଲଫି ନେବା ପାଇଁ ଉତ୍ସୁକ ହୋଇପଡିଥିଲେ । ସମିତା ତାଙ୍କର ଜଣେ ଫ୍ୟାନ୍ସଙ୍କ ସହିତ ବ୍ୟବହାର ଠିକ୍ ନକରିବାରୁ ଲୋକେ ଏହାକୁ ପସନ୍ଦ କରିନଥିଲେ । ଏବେ ସେହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହି ଭିଡିଓରେ ସମିତା ଜଣେ ଫ୍ୟାନ୍ସଙ୍କ ସହିତ ଖରାପ ବ୍ୟବହାର କରୁଥିବାର ଦେଖିବାକୁ ମିଳିଛି । ସମିତା ତାଙ୍କ କାର୍ ଆଡକୁ ଯାଉଥିଲେ, ସେହି ସମୟରେ ଜଣେ ଯୁବତୀ ତାଙ୍କ ପାଖକୁ ସେଲଫି ନେବା ପାଇଁ ଆସିଥିଲେ । ପ୍ରକୃତରେ ଯୁବତୀ ଜଣଙ୍କ କେଉଁ ପଟୁ ସେଲଫି ନେବେ ଜାଣିପାରିନଥିଲେ । ବାସ୍ ଏତିକିରେ ସମିତା ତାଙ୍କ ସହିତ ରୁଡ୍ ବ୍ୟବହାର କରି ମୁଁହ ବୁଲାଇ ଚାଲି ଯାଇଥିଲେ । ଏହାକୁ ନେଇ ଏବେ ସୋସିଆଲ ମିଡିଆରେ କିଏ ତାଙ୍କୁ ଖମଣ୍ଡି କହୁଛି ତ ପୁଣି କିଏ ରୁଡ୍ ।
