ଭୁବନେଶ୍ୱର (ଏଟିଆର ବ୍ୟୁରୋ); ମାର୍ଚ୍ଚ ୮ ତାରିଖକୁ ମହିଳା ଦିବସ ଭାବରେ ପାଳନ କରାଯାଉଛି । ମହିଳା ସଶକ୍ତିକରଣ ଏବଂ ମହିଳାମାନେ ମୁଖ୍ୟ ସ୍ରୋତରେ ରହିବା ଏହି ଦିବସର ମୁଖ୍ୟ ଉଦ୍ଦେଶ୍ୟ । ତେବେ ଆଜିର ଦିନରେ ନାରୀର ଶକ୍ତି ପ୍ରଦର୍ଶନ ଉପରେ ଆଧାରିତ ଚଳଚିତ୍ର ‘ଚାମ୍ପିୟନ’ ରିଲିଜ ହୋଇଛି । ଓଲିଉଡର ସୁନାମଧନ୍ୟ ନାୟିକା ଅର୍ଚ୍ଚିତାଙ୍କର ଏହା ଡ୍ରିମ ପ୍ରୋଜେକ୍ଟ ଥିଲା । ଏବେ ଏହା ଦର୍ଶକଙ୍କ ମନମୋହିବ ବୋଲି ଶୁଣିବାକୁ ମିଳିଛି ।
କେ ମୂରଲିକ୍ରିଷ୍ଣ ଏବଂ ଓଲିଉଡ୍ର ଚୁଲବୁଲି ନାୟିକା ଅର୍ଚ୍ଚିତାଙ୍କ ଡ୍ରିମ୍ ପ୍ରୋଜେକ୍ଟ ‘ଚାମ୍ପିଆନ୍’କୁ ନେଇ ଢେର୍ ଦିନ ହେବ ଚର୍ଚ୍ଚା ଲାଗି ରହିଥିବା ବେଳେ ପରଦାକୁ ଆସିଛି। ଅର୍ଚ୍ଚିତା ଏଥିରେ ଜଣେ ବକ୍ସର ଭୂମିକାରେ ରିଙ୍ଗ୍କୁ ଓହ୍ଲାଇଛନ୍ତି । ଚାଷୀ ପରିବାରରେ ବଢ଼ୁଥିବା ଝିଅଟିଏ ଅନ୍ୟକୁ ନ୍ୟାୟ ଦେଉଥିବା ବେଳେ ସହରକୁ ଆସି ଲାଲପାନ ବିବି ଭାବେ ପରିଚିତ ହେବା ଏବଂ ନିଜକୁ ଅନ୍ତର୍ଜାତୀୟ ବକ୍ସିଂ ଚାମ୍ପିଆନ୍ ମଞ୍ଚରେ ଚାମ୍ପିୟନ୍ କରାଇବାର ନିଆରା କାହାଣୀକୁ ନେଇ ଆସୁଛି ଏହି ଚଳଚ୍ଚିତ୍ର।
ଅର୍ଚ୍ଚିତାଙ୍କ ଦମଦାର ଅଭିନୟକୁ ବେଶ ପ୍ରଂଶସା କରିଛନ୍ତି ଦର୍ଶକ । ଏହି ଫିଲ୍ମରେ ପୃଥୀରାଜ,ମନୋଜ ମିଶ୍ର,ସଲିଲ ମିତ୍ର ଏବଂ ଇଲୁ ବାନାର୍ଜୀଙ୍କ ଭଳି ଅଭିନେତା ମଧ୍ୟ ରହିଛନ୍ତି । ଏହି ଫିଲ୍ମର ସଙ୍ଗୀତ ଭାର ସମ୍ଭାଳିଛନ୍ତି ବୈଦ୍ୟନାଥ ଦାଶ । ପୂର୍ବରୁ ଏହି ଫିଲ୍ମର ଗୀତ ଗୁଡିକ ଦର୍ଶକଙ୍କ ମନରେ ବସା ବାନ୍ଧି ରହିଛି । ତେବେ ଏହି ଫିଲ୍ମର ପ୍ରଜୋଜନା ଭାର ସମ୍ଭାଳିଛନ୍ତି ଏସ ଗଙ୍ଗାଧର ଏବଂ ଦୀପ୍ତି । କାହାଣୀର ସଂଳାପ ଲେଖିଛନ୍ତି ରଜନୀ ରଞ୍ଜନ । ତେବେ ଏହି ଫିଳ୍ମର ପ୍ରମୋସନ ପାଇଁ ଅର୍ଚ୍ଚିତା ବହୁତ କାର୍ଯ୍ୟକ୍ରମମାନ କରିଥିବା ଦେଖିବାକୁ ମିଳିଛି ।
