କେନ୍ଦୁଝର (ଏଟିଆର ବ୍ୟୁରୋ); ଟିଣ ଛପର ହୋଟେଲରେ ଭୟାବହ ଅଗ୍ନିକାଣ୍ଡ । ପୋଡି ପାଉଁଶ ହୋଇଗଲାରେ ହୋଟେଲର ବହୁ ସାମଗ୍ରୀ । ତେବେ ଏଭଳି ଅଗ୍ନିକାଣ୍ଡ ଘଟିଛି କେନ୍ଦୁଝର ଥାଉନ ଥାନା ଅନ୍ତର୍ଗତ ଟେଲିଫୋନ ଛକରେ । ଏଠାରେ ଥିବା ସତ୍ୟାନନ୍ଦ ସାହୁଙ୍କ ହୋଟେଲରେ ନିଆଁ ଲାଗି ଯାଇଥିଲା । ସ୍ଥାନୀୟ ଲୋକ ଅଗ୍ନିଶମ ବିଭାଗକୁ ଖବର ଦେଇଥିଲେ । ଦମକଳ ବାହିନୀ ଆସି ନିଆଁକୁ ଆୟତ କରିଥିଲା । କିନ୍ତୁ ସେତିକି ବେଳକୁ ସବୁକିଛି ପୋଡି ପାଉଁଶ ହୋଇ ଯାଇଥିଲା । ହୋଟେଲର ବହୁ ସାମଗ୍ରୀ ନଷ୍ଟ ହୋଇ ଯାଇଥିବା ଦେଖିବାକୁ ମିଳିଥିଲା ।
ସୂଚନା ଅନୁଯାୟୀ ଶୁକ୍ରବାର ସକାଳେ ହଠାତ ହୋଟେଲରୁ ନିଆଁ ବାହାରିଥିଲା । ନିଆଁକୁ ଦେଖିବା ପରେ ହୋଟେଲରେ କାମ କରୁଥିବା ପିଲାମାନେ ବାହାରକୁ ଦୌଡି ଆସିଥିଲେ । ଏବଂ ନିଆଁକୁ ଆୟତ କରିବା ପାଇଁ ଚେଷ୍ଟା କରିଥିଲେ । ପରେ ସ୍ଥାନୀୟ ଲୋକ ଦମକଳ ବାହିନୀକୁଖବର ଦେବା ପରେ ଆସି ନିଆଁକୁ ଆୟତ କରିଥିଲା । କିନ୍ତୁ ହୋଟେଲରୁ ହଜାର ହଜାର ଟଙ୍କାର ସମାଗ୍ରୀ ପୋଡି ଯାଇଛି । ନିଆଁ ଲାଗିବାର ପ୍ରକୃତ କାରଣ ଜଣା ପଡି ନାହିଁ । ତେବେ ଏହା ଇଲେକ୍ଟ୍ରି ସର୍ଟ ସର୍କିଟି କାରଣରୁ ଘଟିଛି ବୋଲି ଅନୁମାନ କରାଯାଇଛି । ସେପଟେ ନିଆଁକୁ ଦେଖି ଭୟଭୀତ ହୋଇ ଯାଇଥିଲେ ସ୍ଥାନୀୟ ବାସିନ୍ଦା । ଗତକାଲି ମଧ୍ୟ କେନ୍ଦୁଝର ଜିଲ୍ଲା ଘଟଗାଁ ଅଞ୍ଚଳରେ ଏକ ବରଯାତ୍ରୀ ବସ ଜଳିଯାଇଥିଲା । ବସ ସହିତ ଜଣେ ଯୁବକ ଜିଅନ୍ତା ଜଳି ଯାଇଥିଲେ ।
