ମୁମ୍ବାଇ (ଏଟିଆର ବ୍ୟୁରୋ): ଦୀର୍ଘ ଦିନର ବ୍ୟବଧାନ ପରେ ପୁଣି ଥରେ ଫିଲ୍ମ ‘କଳଙ୍କ’ ଯୋଗେ ଇଣ୍ଡଷ୍ଟ୍ରିକୁ କମବ୍ୟାକ୍ କରୁଛନ୍ତି ଅଭିନେତା ଆଦିତ୍ୟ ରାୟ କପୁର । ଆଜ୍ଞା ହଁ ଗତ ଦୁଇ ବର୍ଷ ହେବ ଆଦିତ୍ୟଙ୍କୁ ବଲିଉଡର କୌଣସି ଫିଲ୍ମରେ ଦେଖିବାକୁ ମିଳିନଥିଲା । ଇଣ୍ଡଷ୍ଟ୍ରିରୁ ଦୂରେଇ ରହିବାକୁ ନେଇ ଆଦିତ୍ୟଙ୍କୁ ପ୍ରଶ୍ନ କରାଯିବାରୁ ସେ କହିଛନ୍ତିି କି , ‘ ମୁଁ ସର୍ବଦା ବଡ ପରଦାରେ କାମ କରିବାକୁ ଚାହେଁ । କିନ୍ତୁ ମୋତେ ଏଭଳି କୌଣସି ଭୂମିକା ମିଳିନଥିଲା ଯେଉଁଥିରେ ମୁଁ କାମ କରିବା ପାଇଁ ଉତ୍ସାହିତ ହେବି । ମୁଁ ମୋ ଅଭିନୟ ଜୀବନୀରେ ଏଭଳି ଫିଲ୍ମ କରିବାକୁ ଚାହୁଁଛି କି ସେହି ଫିଲ୍ମ ହିଁ ମୋ କ୍ୟାରିୟରର ସଫଳତା ଆଡକୁ ନେଇଯିବ ।’
ସେ ଆହୁରୀ ମଧ୍ୟ କହିଛନ୍ତି କି, ଫିଲ୍ମ ‘କଳଙ୍କ’ ରିଲିଜ୍ ହେବା ପରେ ମୁଁ ଅନୁରାଗ ବାସୁଙ୍କ ଗୋଟେ ଫିଲ୍ମରେ ନଜର ଆସିବି । କଳଙ୍କର ସୁଟିଂ ସମୟରେ ହିଁ ମୁଁ ସେହି ଫିଲ୍ମକୁ ସାଇନ୍ କରଥିଲିି । ଏହି ଫିଲ୍ମର ଟାଇଟଲ ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । ଏହାସହିତ ମୁଁ ମଙ୍ଗଳ ଏବଂ ସଡକ ୨ ରେ ବି ନଜର ଆସିବି ।
ଫିଲ୍ମ କଳଙ୍କରେ ନିଜ ଭୂମିକାକୁ ନେଇ ଆଦିତ୍ୟ କହିଛନ୍ତି କି, ଏହି ଫିଲ୍ମରେ ମୁଁ ଦେବ୍ ଚୌଧୁରୀ ଭୂମିକାରେ ଅଭିନୟ କରିଛି । ଏହି ଭୂମିକା ପାଇଁ ମୋତେ ଖୁବ୍ ପରିଶ୍ରମ କରିବାକୁ ପଡିଛି । ଫିଲ୍ମର ସୁଟିଂ ହେବା ପୂର୍ବରୁ ଅନେକ ପ୍ରସ୍ତୁତ ମଧ୍ୟ କରିଥିଲି ।
କଳଙ୍କ ରେ ଆଦିତ୍ୟ ରାୟ କପୁରଙ୍କ ବ୍ୟତିତ ସୋନାକ୍ଷୀ ସିହ୍ନା, ବରୁଣ ଧୱନ, ସଞ୍ଜୟ ଦତ୍ତ ଏବଂ ଆଲିଆ ଭଟ୍ଟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ୧୭ ଅପ୍ରିଲ ୨୦୧୯ ରେ ପରଦାରେ ମୁକ୍ତିଲାଭ କରିବ ।
